തെരഞ്ഞെടുപ്പില്‍ യുഡിഎഫ് സ്ഥാനാര്‍ത്ഥികളുടെ വിജയം നിശ്ചയിക്കുന്നത് തങ്ങളാണെന്ന് മുസ്ലീംലീഗ് ജനറല്‍ സെക്രട്ടറി കെ പി എ മജീദ്. എതിര്‍ക്കുന്നവരെയും സഹായിക്കുക എന്നതാണ് ലീഗിന്റെ നയമെന്നും അദ്ദേഹം പറഞ്ഞു.മോഡിമാരുടെ പരിപ്പ് ഈ രാജ്യത്ത് വേവില്ലെന്ന് മുസ്ലീംലീഗ് സംസ്ഥാന പ്രസിഡന്റ് പാണക്കാട് സയ്യദ് ഹൈദരലി ശിഹാബ് തങ്ങള്‍ പറഞ്ഞു. കലാപം ഉണ്ടാക്കാമെന്ന് ആരും മന:പായസം ഉണ്ണേണ്ടെന്നും അദ്ദേഹം പറഞ്ഞു.വിവാദങ്ങള്‍ കൊണ്ട് ലീഗിനെ തകര്‍ക്കാമെന്ന് ആരും കരുതേണ്ടെന്ന് മന്ത്രി പി കെ കുഞ്ഞാലിക്കുട്ടി പറഞ്ഞു. കണ്ണൂരിലും വടകരയിലും ജയിച്ചത് കോണ്‍ഗ്രസാണെങ്കിലും പാറിയത് ലീഗിന്റെ പതാകയായിരുന്നു. മുസ്ലീംലീഗിന്റെ തെരഞ്ഞെടുപ്പ് കണ്‍വെന്‍ഷനില്‍ സംസാരിക്കുകയായിരുന്നു മൂവരും.