സോളാര്‍ തട്ടിപ്പ് കേസിലെ പ്രതി സരിതാ എസ് നായര്‍ കോടതിയില്‍ സമര്‍പ്പിച്ച പരാതിയില്‍ ഉന്നതരുടെ പേരുകള്‍ ഉള്‍പ്പെട്ടിട്ടില്ല.എറണാകുളം നോര്‍ത്ത് പോലീസിന് പരാതി കൈമാറി. പരാതിയിന്മേല്‍ നോര്‍ത്ത് പോലീസ് അന്വേഷണം നടത്തും.മാധ്യമങ്ങള്‍ വേട്ടയാടുന്നത് തന്നെ മാത്രമാണെന്നു പരാതിയില്‍ പറയുന്നു. തന്റെ കുട്ടികളുടെ സംരക്ഷണം ഉറപ്പുവരുത്തണം. ബിജുവും ശാലു മേനോനുമാണ് തന്റെ തകര്‍ച്ചയ്ക്ക കാരണം.

വ്യക്തിപരമായ കാര്യങ്ങള്‍ മാത്രമാണ് പരാതിയില്‍ ഉള്ളത്. തന്റെ ജീവന് ഭീഷണിയുണ്ടെന്നും പരാതിയില്‍ വ്യക്തമാക്കിയിട്ടുണ്ട്.ബിജു രാധാകൃഷണനില്‍ നിന്ന് വധ ഭീഷണിയുണ്ടെന്നും പരാതിയില്‍ സൂചിപ്പിച്ചിട്ടുണ്ട്.ശാലു മേനോനെയും ബിജുവിനെയും കുറിച്ചുള്ള കാര്യങ്ങളാണ് പരാതിയില്‍ കൂടുതലും പറഞ്ഞിരിക്കുന്നത്.