ഡാറ്റാ സെന്റര്‍ കേസില്‍ എജി ഹൈക്കോടതിയെ അറിയിച്ചത് തെറ്റായ കാര്യങ്ങളാണെന്ന് സര്‍ക്കാര്‍ സുപ്രിം കോടതിയെ അറിയിച്ചു. കേസില്‍ സിബിഐ അന്വേഷണം വേണമെന്ന നിലപാടില്‍ തന്നെയാണെന്ന് സുപ്രീംകോടതിയില്‍ സമര്‍പ്പിച്ച സത്യവാങ്മൂലത്തില്‍ പറയുന്നു. ഭരത് ഭൂഷണാണ് സത്യവാങ്മൂലം കോടതിയില്‍ സമര്‍പ്പിച്ചത്.

സിബിഐ അന്വേഷണം വേണ്ടെന്ന നിലപാടാണ് അഡ്വക്കേറ്റ് ജനറല്‍ ഗുലാം ഇ വഹന്‍വതി എടുത്തിരുന്നത്. സംസ്ഥാനത്തിനു വേണ്ടി ഹാജരാകാന്‍ താല്‍പര്യമില്ലെന്നും അദ്ദേഹം അറിയിച്ചിരുന്നു. ഇത് സംബന്ധിച്ച് മുഖ്യമന്ത്രി ഉമ്മന്‍ചാണ്ടിയ്ക്ക് എജി കത്ത് നല്‍കിയിരുന്നു. സിബിഐ അന്വേഷണവുമായി മുന്നോട്ടു പോകരുതെന്നും സുപ്രീംകോടതിയെ സമീപിക്കരുതെന്നും അദ്ദേഹം കത്തില്‍ ആവശ്യപ്പെട്ടിട്ടുണ്ട്.