സലിംരാജിനെതിരെ ഭൂമി തട്ടിപ്പില്‍ പരാതി നല്‍കിയവര്‍ക്കെതിരെ പൊലീസ് കേസ്. എകെ നാസര്‍ , എ കെ നൗഷാദ്, ഷെരീഫ എന്നിവര്‍ക്കെതിരെയാണ് സലിംരാജിന്റെ ബന്ധുവിന്റെ പരാതിയില്‍ പൊലീസ് കേസ് എടുത്തത്.സലീംരാജും ബന്ധുക്കളും ഭൂമി തട്ടിയെടുത്ത കേസില്‍ കഴിഞ്ഞ ദിവസം തൃക്കാക്കര അസിസ്റ്റന്റ് കമ്മീഷണറുടെ മുമ്പാകെ പരാതിക്കാര്‍ മൊഴി നല്‍കിയിരുന്നു. സലീംരാജിന് ഭൂമി കൈമാറിയില്ലെങ്കില്‍ റവന്യുവകുപ്പ് അത് ഏറ്റെടുക്കുമെന്ന് മുഖ്യമന്ത്രി ഉമ്മന്‍ചാണ്ടി ഭീഷണിപ്പെടുത്തിയതായി നാട്ടുകാര്‍ മൊഴി നല്‍കിയിട്ടുണ്ട്. ഇതിന് തൊട്ടു പിന്നാലെയാണ് സലീംരാജിന്റെ ബന്ധുക്കളുടെ പരാതിയില്‍ നാസറിനെയും നൗഷാദിനെയും അവരുടെ മാതാവ് ഷെരീഫയേയും പ്രതി ചേര്‍ത്ത് കളമശേരി പോലീസ് കേസെടുത്തത്.മുഖ്യമന്ത്രിക്കെതിരെ പരാതി നല്‍കിയതിലുള്ള പ്രതികാര നടപടിയാണ് ഇതെന്ന് എകെ നാസര്‍ പറഞ്ഞു.