സോളാര്‍ തട്ടിപ്പ് കേസില്‍ അറസ്റ്റിലായ നടി ശാലു മേനോനെ സ്വന്തം കാറില്‍ തിരുവനന്തപുരത്തേക്ക് കൊണ്ടുവന്നതില്‍ തെറ്റില്ലെന്ന് മുഖ്യമന്ത്രി ഉമ്മന്‍ ചാണ്ടി.തിരുവനന്തപുരത്തേക്ക് കൊണ്ടുപോയപ്പോള്‍ ശാലു പ്രതിയായിരുന്നില്ല. ചോദ്യം ചെയ്യാന്‍ വേണ്ടിയാണ് ശാലുവിനെ കൊണ്ടുപോയത്. ചോദ്യം ചെയ്യുന്ന ആളിനെ പ്രതിയായി കണക്കിലെടുക്കാനാകില്ല. ശാലു കേസില്‍ പ്രതിയായ ശേഷം ആ നിലയിലാണ് പോലീസ് അവരെ കൈകാര്യം ചെയ്തത്. കുറ്റം ചെയ്തവര്‍ ആരായാലും ചെയ്ത കുറ്റത്തിന് നിയമത്തിന് മുന്നില്‍ സമാധാനം പറയേണ്ടിവരും.