വിലക്കയറ്റം സംബന്ധിച്ചു കെ.പിസി.സി അധ്യക്ഷന്‍ രമേശ് ചെന്നിത്തലയുടെ കത്തിനെ പോസിറ്റീവ് ആയി കണ്ടാല്‍ മതിയെന്ന് മുഖ്യമന്ത്രി ഉമ്മന്‍ചാണ്ടി പറഞ്ഞു.സംസ്ഥാനത്തെ വിലക്കയറ്റം തടയാന്‍ സര്‍ക്കാര്‍ നടപടി സ്വീകരിച്ചിട്ടുണ്ട്.ഏത് കാര്യത്തെയും പോസിറ്റീവ് ആയി കണ്ടാല്‍ സന്തോഷവും മനസമാധാനവും ഉണ്ടാകുമെന്നും അദ്ദേഹം പറഞ്ഞു.സോളാര്‍ തട്ടിപ്പ് കേസിന്‍െറ അന്വേഷണം നീണ്ടുപോകില്ല. ജുഡീഷ്യല്‍ അന്വേഷണത്തിന് സിറ്റിങ് ജഡ്ജിയെ ആവശ്യപ്പെട്ട് ഹൈകോടതി വീണ്ടും കത്തയച്ചിട്ടുണ്ട്. ജഡ്ജിയെ വിട്ടുകിട്ടുന്ന കാര്യത്തില്‍ സര്‍ക്കാര്‍ ഗൗരവം കാണിക്കുന്നില്ലെന്ന പ്രതിപക്ഷ ആരോപണം സത്യമല്ലെന്നും ഉമ്മന്‍ചാണ്ടി പറഞ്ഞു.