അടുത്ത വര്‍ഷത്തെ പൊതുതെരഞ്ഞെടുപ്പ് സ്ഥിരതയുള്ള സര്‍ക്കാറിനെ തെരഞ്ഞെടുക്കാന്‍ ജനങ്ങള്‍ക്കുള്ള അവസരമാണെന്ന് രാഷ്ട്രപതി പ്രണബ് മുഖര്‍ജി പറഞ്ഞു.സ്ഥിരതയുള്ള സര്‍ക്കാറിന് മാത്രമേ സുരക്ഷയും സാമ്പത്തിക വികസനവും പുരോഗതിയും ഉറപ്പുവരുത്താന്‍ കഴിയൂ സ്വാതന്ത്ര്യദിന സന്ദേശത്തില്‍ രാഷ്ട്രപതി പറഞ്ഞു.നിയമനിര്‍മാണം നടത്താനുള്ള വേദിയല്ല, യുദ്ധക്കളമെന്ന പോലെയാണ് നിയമനിര്‍മാണ സഭകളുടെ പോക്ക്. അഴിമതി വെല്ലുവിളിയായി മാറിയിരിക്കുന്നു. യുവാക്കളുടെ അഭിലാഷങ്ങള്‍ക്കൊപ്പം മുന്നേറുകയെന്ന വെല്ലുവിളിയാണ് ഭരണകൂടത്തിനു മുന്നിലുള്ളത്.ഭരണരീതിയിലും സ്ഥാപനങ്ങളുടെ പ്രവര്‍ത്തനത്തിലും വ്യാപക നിരാശയാണെന്നും രാഷ്ട്രപതി പറഞ്ഞു.