പി.സി ജോര്‍ജ്ജ് യു.ഡി.എഫ് സര്‍ക്കാരിന്റെ ചീഫ് വിപ്പാണെന്ന് തോന്നുന്നില്ലെന്ന് മന്ത്രി കെ.സി ജോസഫ് പറഞ്ഞു. ജോര്‍ജ്ജിന്റെ സംസാരം കേട്ടാല്‍ എല്‍.ഡി.എഫിന്റെ ചീഫ് വിപ്പാണെന്ന് തോന്നിപ്പോകും. കോണ്‍ഗ്രസിലെ കാര്യങ്ങള്‍ ജോര്‍ജ്ജ് പറയേണ്ട ആവശ്യമില്ലെന്നും കെ.സി ജോസഫ് പറഞ്ഞു.മന്ത്രിസഭാ പുനഃസംഘടനാ ചര്‍ച്ച വഴിമുട്ടിയിട്ടില്ല. ചര്‍ച്ച പാളിയെന്നത് മാധ്യമങ്ങളുടെ വ്യാഖ്യാനം മാത്രമാണ്. പാര്‍ലമെന്റ് തിരഞ്ഞെടുപ്പ് വരെ കേരളത്തില്‍ അഴിച്ചുപണി വേണ്ടെന്നാണ് ഹൈക്കമാന്‍ഡ് തീരുമാനിച്ചിരിക്കുന്നതെന്നും കെ.സി ജോസഫ് പറഞ്ഞു.