ഇന്‍ഡ്യന്‍ ഡെപ്യൂട്ടി കോണ്‍സല്‍ ജനറല്‍ ഡോ. ദേവയാനി ഖൊബ്രഗാഡെയെ അറസ്റ്റു ചെയ്ത രീതി തെറ്റായി പ്പോയെങ്കിലും ഇന്ത്യന്‍ കോണ്‍സുലേറ്റിന്റെ ഭാഗത്തുനിനുണ്ടാകുന്ന തുടര്‍ച്ചയായ നിയമ ലംഘനങ്ങള്‍ ഇവിടെ താമസിക്കുന്ന ഇന്ത്യക്കാരായ പ്രവാസികള്‍ക്ക് അപമാനമാണെന്ന് പൊതുപ്രവര്‍ത്തകനായ അനിയന്‍ ജോര്‍ജ് പറഞ്ഞു. ശക്തമായ നിയമങ്ങളും നിയമവ്യവസ്ഥിതിയും നടപ്പിലാക്കുന്നതില്‍ ദീര്‍ഘവീക്ഷണമുള്ള രാജ്യമാണ് അമേരിക്ക. ഇവിടെ വന്നിറങ്ങുന്ന ഏതൊരാള്‍ക്കും അത് സ്വകാര്യ സന്ദര്‍ശനത്തിനോ സ്ഥിരതാമസക്കാരാനോ താല്‍ക്കാലിക സന്ദര്‍ശനത്തിനോ ആകട്ടെ, എന്തിനു വന്നാലും, ഈ നിയമങ്ങള്‍ എല്ലാം പാലിക്കാന്‍ ബാധ്യസ്ഥരാണ്.
തുടര്‍ച്ചയായ വീഴ്ചകളാണ് കോണ്‍സുലേറ്റിന്റെ ഭാഗത്തുനിന്നു ഉണ്ടാകുന്നത്.ആഘോഷങ്ങളില്‍ മതി മറക്കുകയാണ് അവര്‍. നാട്ടില്‍നിന്ന് ചുക്കിനും ചുണ്ണാമ്പിനും ഒക്കെ മന്ത്രി പുങ്കവന്മാരെ കെട്ടിയെഴുന്നള്ളിച്ചു അവര്‍ക്ക് സുഖവാസത്തിനുള്ള അവസരം ഒരുക്കിക്കൊടുക്കുന്നതല്ലാതെ വേറൊന്നും കോണ്‍സുലേറ്റിന്റെ ഭാഗത്തുനിന്നു ഉണ്ടായിട്ടില്ല- അദ്ദേഹം പറഞ്ഞു. ഇന്ത്യന്‍ കോണ്‍സുലേറ്റുമായി ബന്ധപ്പെട്ടു നിരവധി ആരോപണങ്ങള്‍ ഉയര്‍ന്നിട്ടുണ്ട്. ഇതെല്ലാം ഇന്ത്യയില്‍നിന്നുള്ള ഒരു ഏജന്‍സി അന്വേഷിക്കട്ടെ. കോണ്‍സുലേറ്റിന്റെ അപമാനകരമായ നിലപാടുകള്‍ക്കെതിരെ സമൂഹത്തില്‍ ഇടപെട്ടു നിരവധി പ്രശ്നങ്ങള്‍ ഉയര്‍ത്തി അവയ്ക്കെതിരെ നിരന്തരം ശബ്ദമുയര്‍ത്തിയ അലക്സ് വിളനിലം, തോമസ്‌ പി ഉമ്മന്‍ തുടങ്ങിയവരെ ആ അന്വേഷണ കമ്മിറ്റിയില്‍ അംഗമാക്കണം.
പ്രവസികളോടു അമേരിക്കന്‍ ഗവണ്മെന്‍റ് പോലും മാന്യമായി പെരുമാറുമ്പോള്‍ ഇന്ത്യന്‍ കോണ്‍സുലേറ്റു വളരെ മോശമായ രീതിയില്‍ ഇന്ത്യക്കാരോട് പെരുമാറുന്നു.ഈ രീതികള്‍ക്ക് ഒരു അവസാനം ഉണ്ടാക്കണം.ഇത്തരം പ്രവര്‍ത്തനങ്ങള്‍ തെമ്മാടിത്തരമാണ്. ഇതിനൊരു അറുതി വരുത്താന്‍ അമേരിക്കയിലെ ഇന്ത്യന്‍ജനത മുന്നിട്ടിറങ്ങണമെന്നും അദ്ദേഹം ആഹ്വാനം ചെയ്തു.
Comments
prabhudayal was involved in a similar case . something going on in consulate