ന്യൂയോര്‍ക്ക്: സീറോ മലബാര്‍ കാത്തലിക് കോണ്‍ഗ്രസ് (എസ്.എം.സി.സി) ബ്രോങ്ക്‌സ് ചാപ്റ്ററിന്റെ ആഭിമുഖ്യത്തില്‍ ബ്രോങ്ക്‌സ് സെന്റ് തോമസ് സീറോ മലബാര്‍ ഇടവകയിലെ ഈവര്‍ഷത്തെ സ്കൂള്‍- കോളജ് ഗ്രാജ്വേറ്റ്‌സിനെ ട്രോഫികളും പ്ലാക്കുകളും നല്‍കി അനുമോദിച്ചു. ഇടവക തിരുനാളിനോടനുബന്ധിച്ച് മൂന്നാം തീയതി ബുധനാഴ്ച നടന്ന പ്രസുദേന്തി നൈറ്റില്‍ വെച്ച് വികാരി ഫാ. ജോസ് കണ്ടത്തിക്കുടി എസ്.എം.സി.സിയുടെ ഉപഹാരങ്ങള്‍ സമ്മാനിച്ചു. ഹൈസ്കൂള്‍ ഗ്രാജ്വേറ്റ്‌സുകളായ ടീന തോമസ്, ജിമ്മി പട്ടേരില്‍, സിമ്മി ജോസഫ്, ജസ്റ്റിന്‍ കാഞ്ഞമല, ലക്‌സിലി സേവ്യര്‍, സ്റ്റാന്‍ലി സണ്ണി, ജോസഫ് സേവ്യര്‍, ഏഡ്രിയാന മാത്യു എന്നിവര്‍ ജോസ് അച്ചനില്‍ നിന്നും ട്രോഫികളും, കോളജ് ഗ്രാജ്വേറ്റ്‌സുകളായ അരുണ്‍ തോമസ്, ജോര്‍ജ് ഞാറക്കുന്നേല്‍, അനു ജോസഫ്, ക്രിസ് സാമുവേല്‍, ജസീകാ കാഞ്ഞമല, ജോബിന്‍ അരീക്കുന്നേല്‍, ഷെറല്‍ കൈതാരത്ത്, അനു മില്‍വി പോള്‍, ലിസാ ജോണ്‍, ഷിജ വാതപ്പള്ളില്‍, അന്നമ്മ ലൂക്കോസ്, ജോവിന്‍ ജോയി എന്നിവര്‍ പ്ലാക്കുകളും ഏറ്റുവാങ്ങി.
എട്ടാം ക്ലാസില്‍ നിന്ന് വാലിഡിക്‌ടോറിയനായ ക്രിസ്റ്റല്‍ ആന്റണിക്ക് പ്രത്യേക പുരസ്കാരവും തദവസരത്തില്‍ സമ്മാനിച്ചു. എസ്.എം.സി.സി പ്രസിഡന്റ് ഷോളി കുമ്പിളുവേലി സ്വാഗതംആശംസിച്ചു.ജോസഫ് കാഞ്ഞമല, ജോസ് ഞാറക്കുന്നേല്‍, ചിന്നമ്മ പുതുപ്പറമ്പില്‍, ജോജോ ഒഴുകയില്‍, ലീന ആലപ്പാട്ട്, ഷാജി സഖറിയ, ജോസ് മലയില്‍, ആലീസ് വാളിപ്ലാക്കല്‍, ജയിംസ് തെള്ളിയാങ്കല്‍, സെബാസ്റ്റ്യന്‍ വിരുത്തിയില്‍, ജിമ്മി ഞാറക്കുന്നേല്‍, ജോണ്‍ വാളിപ്ലാക്കല്‍ എന്നിവര്‍ പരിപാടികള്‍ക്ക് നേതൃത്വം നല്‍കി.
Comments