ന്യൂയോര്‍ക്ക് : മാര്‍ത്തോമാ യുവജനസഖ്യം ദേശീയസമിതി പിരിച്ചുവിട്ടു പ്രത്യേക സാഹചര്യത്തില്‍ സഖ്യത്തിന്റെ വ്യവസ്ഥാപിത ഭരണം മെത്രാപോലീത്ത ഏറ്റെടുത്തു.

ഇപ്പോള്‍ നിലവിലിരിക്കുന്ന ജനറല്‍ കമ്മിറ്റി ഭരണഘടന നിര്‍ദ്ദേശിക്കുന്ന 135,136,137 വകുപ്പുകള്‍ പ്രകാരമല്ല തെരഞ്ഞെടുക്കപ്പെട്ടിരിക്കുന്നതെന്ന് അന്വേഷണ കമ്മീഷന്‍ കണ്ടെത്തുകയും, കമ്മിറ്റി പിരിച്ചുവിട്ട് പുതിയ തിരഞ്ഞെടുപ്പ് നടത്തണമെന്ന് കമ്മീഷന്‍ നിര്‍ദ്ദേശിക്കുകയും ചെയ്തതു എപ്പിസ്‌ക്കോപ്പല്‍ സിന്നഡ് അംഗീകരിച്ചതിനെ തുടര്‍ന്നാണ് ഭരണം മെത്രാപ്പോലീത്താ ഏറ്റെടുത്തത്.

മാര്‍ത്തോമാ സഭയില്‍ നടക്കുന്ന മാതൃകാപരമായ തിരഞ്ഞെടുപ്പുകള്‍ക്കനുസൃതമല്ലാതെ പ്രകടമായ പ്രചാരണ ശൈലി സഭക്കും, സഖ്യത്തിനും അനുയോജ്യമല്ലായിരുന്നു എന്നും കമ്മീഷന്‍ കണ്ടെത്തിയിരുന്നു.

എപ്പിസ്‌ക്കോപ്പല്‍ സിന്നഡിന്റെ ശുപാര്‍ശ അനുസരിച്ച് സഖ്യത്തിന്റെ പ്രവര്‍ത്തനം സുഗമമാക്കുന്നതിന് 166, 167 വകുപ്പുകള്‍ പ്രകാരം മാര്‍ത്തോമാ യുവജന സഖ്യത്തിന്റെ ഭരണചുമതല മെത്രാപ്പോലീത്താ ഏറ്റെടുത്തിരിക്കുന്നതായി 193-#ാ#ം സര്‍കുലര്‍ മുഖേനെ സഭയിലെ എല്ലാ ഇടവകകളിലും അറിയിപ്പു നല്‍കി. ഡോ. ജോസഫ് മാര്‍ത്തോമ്മാ മെത്രാപോലീത്ത (പ്രസിഡന്റ്), റവ.സി.ജെ.ജോണ്‍(കണ്‍വീനര്‍), എന്നിവര്‍ ഉള്‍പ്പെടെ 13 അംഗ അഡഹോക്ക്കമ്മിറ്റി ഭരണചുമതലനിര്‍വ്വഹിക്കുന്നതാണെന്ന് സര്‍ക്കുലറില്‍ വ്യക്തമാക്കിയിട്ടുണ്ട്.

മാര്‍ത്തോമാ സഭയിലെ എപ്പിസ്‌ക്കോപ്പല്‍, ഭദ്രാസന, മണ്ഡലം അസംബ്ലി തിരഞ്ഞെടുപ്പുകളില്‍ പ്രകടമാകുന്ന അച്ചടക്കം യുവജനസംഖ്യ തിരഞ്ഞെടുപ്പില്‍ പ്രകടമാക്കാത്തതു ഒരു തരത്തിലും അംഗീകരിക്കുകയില്ല എന്ന നിശ്ചദാര്‍ഢ്യമാണ് അഭിവന്ദ്യ മെത്രാപ്പോലീത്തെയെ ഇങ്ങനെ ഒരു തീരുമാനത്തിനു പ്രേരിപ്പിച്ചത്. മെയ് മാസം മുതല്‍ ഈ ക്രമീകരണം നിലവില്‍ വന്നിട്ടുണ്ട്.