ഹൂസ്റ്റണ് എക്യുമെനിക്കല് ക്രിസ്മസ് കാരള് വര്ണ്ണാഭമായി
Text Size
Jeemon Ranny
jeemonranny@gmail.com
Story Dated: Tuesday, January 06, 2015 01:40 hrs UTC
ഹൂസ്റ്റണ്: ഇന്ത്യാ ക്രിസ്ത്യന് എക്യുമെനിക്കല് കമ്യൂണിറ്റി ഓഫ് ഹൂസ്റ്റന്റെ ആഭിമുഖ്യത്തില് 33 -ാമത് എക്യുമെനിക്കല് ക്രിസ്മസ് കാരള് വര്ണ്ണപ്പകിട്ടാര്ന്ന പരിപാടികളോടെ ആഘോഷിച്ചു.
സ്റ്റാഫോര്ഡിലുളള സെന്റ് തോമസ് ഓര്ത്തഡോക്സ് കത്തീഡ്രല് ഓഡിറ്റോറിയത്തില് ഡിസംബര് 25 വ്യാഴാഴ്ച വൈകിട്ട് അഞ്ചിന് ആഘോഷങ്ങള് ആരംഭിച്ചു.
റവ. അല്ഫാ വര്ഗീസ് ജോസഫ് പ്രാരംഭ പ്രാര്ഥന നടത്തി. തുടര്ന്ന് എക്യുമെനിക്കല് കമ്മ്യുണിറ്റി സെക്രട്ടറി ഡോ. അന്ന കെ. ഫിലിപ്പ് സ്വാഗതം ആശംസിച്ചു. പ്രസിഡന്റ് റവ. ഫാ. എം. ടി. ഫിലിപ്പ് അധ്യക്ഷപ്രസംഗം നടത്തി. റവ. ഫാ. മാമ്മന് മാത്യു മുഖ്യാതിഥിയായി എത്തിച്ചേര്ന്ന ഓര്ത്തഡോക്സ് സഭ സൗത്ത് വെസ്റ്റ് അമേരിക്കന് ഭദ്രാസന അധ്യക്ഷന് അഭിവന്ദ്യ അലക്സിയോസ് മാര് യൗസേബിയോസിനെ സദസിന് പരിചയപ്പെടുത്തുന്നു. തുടര്ന്ന് അഭിവന്ദ്യ യൗസേബിയോസ് തിരുമേനി അനുഗ്രഹിത ക്രിസ്മസ് സന്ദേശം നല്കി. ബേത്ലഹേമില് ജനിച്ച ഉണ്ണി യേശുവിനെ അറിയേണ്ടതുപോലെ അറിയുന്നതാണ് യഥാര്ത്ഥ ക്രിസ്മസ് എന്ന് തിരുമേനി ഉദ്ബോധിപ്പിച്ചു.ഹൂസ്റ്റണിലെ 17 എപ്പിസ്കോപ്പല് ഇടവകകളെയും പങ്കെടുപ്പിച്ചുകൊണ്ട് നടത്തപ്പെട്ട ആഘോഷ പരിപാടികള് ശൈലിയിലും അവതരണത്തിലും വ്യത്യസ്ത പുലര്ത്തി. നിരവധി ഗായക സംഘങ്ങളുടെ കാരള് ഗാനങ്ങളോടൊപ്പം മറ്റു വൈ വിദ്ധ്യമാര്ന്ന പരിപാടികളും ആഘോഷത്തിന് മാറ്റു കൂട്ടി.വെരി. റവ. സഖറിയാ പുന്നൂസ് കോര് എപ്പിസ്കോപ്പാ ഈ വര്ഷം നടത്തുന്ന ജീവകാരുണ്യ പദ്ധതികളെപ്പറ്റിയും സ്തോത്ര കാഴ്ചയില് നിന്നും ലഭിക്കുന്ന പണം ഈ പദ്ധതികള്ക്കായി ഉപയോഗിക്കുന്നതാണെന്നും അറിയിച്ചു.
പബ്ലിക് റിലേഷന്സ് ഓഫീസര് റവ. കെ. ബി. കുരുവിള ഹൂസ്റ്റണ് എക്യുമെനിക്കല് കമ്മ്യുണിറ്റിയുടെ ഭാവി പരിപാടികളായ കള്ച്ചറല് പ്രോഗ്രാം, ക്രിക്കറ്റ്, സ്പോര്ട്സ് ടൂര്ണ്ണമെന്റ്, ഗോസ്പല് കണ്വന്ഷന് എന്നിവയെപ്പറ്റി പ്രസ്താവനകള് നടത്തി.
യുവജനങ്ങള്ക്കായുളള ക്രിസ്മസ് സന്ദേശം രേഖാ വര്ഗീസ് നല്കി. റവ. ഫാ. വില്സണ് ആന്റണി സ്തോത്ര കാഴ്ചയ്ക്കുശേഷമുളള പ്രാര്ത്ഥന നടത്തി.
ക്രിസ്മസ് ആഘോഷത്തിന്റെ എംസിമാരായി ഇന്ദിരാ ജെയിംസ്, ജോര്ബി ദാനിയേല് എന്നിവര് പ്രവര്ത്തിച്ചു.
Comments