നോര്‍ത്ത് അമേരിക്കയിലെ മലയാളി ഹിന്ദുക്കളുടെ ദേശീയ സംഘടനയായ കെഎച്ച്എന്‍എയുടെ ആഭിമുഖ്യത്തില്‍ 2015 ജൂലൈ ആദ്യവാരത്തില്‍ ഡാളസ്സില്‍ വച്ചു നടക്കുന്ന എട്ടാമത് നാഷ്ണല്‍ കണ്‍വന്‍ഷന്റെ ഫിലാഡല്‍ഫിയ റിജീയണല്‍ കണ്‍വന്‍ഷനും രജിസ്‌ട്രേഷന്‍ കിക്കോഫും നവംബര്‍ 1ന് നടന്നു.
അപ്പര്‍ഡാര്‍ബി ശിവാസ് ഓഡിറ്റോറിയം ഹാളില്‍ നടന്ന കണ്‍വന്‍ഷനില്‍ കെഎച്ച്എന്‍എ പ്രസിഡന്റ് ടി.എന്‍.നായര്‍, ജനറല്‍ സെക്രട്ടറി ഗണേശന്‍ നായര്‍, ജോ.ട്രഷറര്‍ ശ്രീകുമാര്‍ ഉണ്ണിത്താന്‍, റിജീയണല്‍ കോര്‍ഡിനേറ്റര്‍ മാധവന്‍ നായര്‍ തുടങ്ങിയവര്‍ സംബന്ധിച്ചു.
കണ്‍വന്‍ഷന്റെ ഉദ്ദേശലക്ഷ്യങ്ങളെ സംബന്ധിച്ചും കെ.എച്.എന്‍.എ.യുടെ വിവിധ പ്രവര്‍ത്തനങ്ങളെപ്പറ്റിയുമുള്ള വിശദമായ വിവരണം കെ.എച്ച്.എന്‍.എ. പ്രസിഡന്റ് ടി.എന്‍.നായര്‍ നടത്തി. തുടര്‍ന്നു സംസാരിച്ച ജനറല്‍ സെക്രട്ടറി ഗണേശന്‍ നായര്‍ എട്ടാമത് കണ്‍വന്‍ഷന്‍ മഹാവിജയമാക്കുവാന്‍ എല്ലാ ഹിന്ദുക്കളുടെയും പിന്തുണ അഭ്യര്‍ത്ഥിച്ചു. നവംബര്‍ 22ന് ന്യൂയോര്‍ക്കില്‍ നടക്കുന്ന കെഎച്ച്എന്‍എ യുവമേളയിലേക്ക് എല്ലാവരേയും അദ്ദേഹം ക്ഷണിക്കുകയുണ്ടായി. തുടര്‍ന്ന് കെഎച്ച്എന്‍എ ജോ.ട്രഷറര്‍ ശ്രീകുമാര്‍ ഉണ്ണിത്താന്‍, റിജിയണല്‍ കോര്‍ഡിനേറ്റര്‍ മാധവന്‍ നായര്‍, ഫിലാഡല്‍ഫിയ റീജിയണല്‍ നേതാക്കളായ പി.കെ.തങ്കപ്പന്‍ നായര്‍, മുരളി കൃഷ്ണന്‍, പി.കെ.സോമരാജന്‍, രാജപ്പന്‍ നായര്‍, എസ്.സദാശിവന്‍, അശോകന്‍ വേങ്ങശേരി തുടങ്ങിയവര്‍ സംസാരിച്ചു. ഫിലാഡല്‍ഫിയയിലെ പ്രധാന ഹൈന്ദവസംഘടനകളായ നാരായണ അസോസിയേഷന്‍, നായര്‍ അസോസിയേഷന്‍ ഓഫ് ഡലവേര്‍വാലി, എസ്.എന്‍.ഡി.പി. എന്‍.എസ്.എസ്. തുടങ്ങിയവയെ പ്രതിനിധീകരിച്ച് നിരവധി പ്രവര്‍ത്തകര്‍ യോഗത്തില്‍ പങ്കെടുത്തിരുന്നു.
പ്രശസ്ത എഴുത്തുകാരനായ മുരളി.ജെ.നായരില്‍ നിന്നും ആദ്യ രജിസ്‌ട്രേഷന്‍ ടി.എന്‍.നായര്‍ ഏറ്റുവാങ്ങി ഉദ്ഘാടനം നിര്‍വ്വഹിച്ചു. തുടര്‍ന്ന് ഇരുപതില്‍പ്പരം രജിസ്‌ട്രേഷന്‍ നടന്നു.
കെ.എച്ച്.എന്‍.എ. മുന്‍ ജനറല്‍ സെക്രട്ടറിയും നായര്‍ സര്‍വ്വീസ് സൊസൈറ്റിയുടെ പ്രമുഖ പ്രവര്‍ത്തകനുമായ സുധകര്‍ത്തയായിരുന്നു മാസറ്റര്‍ ഓഫ് സെറിമണീസ്.
പ്രശസ്ത ഗായകന്‍ രഘുനാഥന്‍ നായര്‍ പ്രാര്‍ത്ഥനാഗീതം ആലപിച്ചു. സൂരജ് ചേര്‍ത്തലയുടെ മോണോ ആക്ട് കാണികളെ ഏറെ രസിപ്പിച്ചു.
കെഎച്ച്എന്‍എ ട്രസ്റ്റിബോര്‍ഡിന്റെ ആസ്ഥാനമായി ഡാളസ് കേന്ദ്രമായി ഓഫീസ് മന്ദിരം വാങ്ങണം എന്ന പൊതുവികാരവും യോഗത്തില്‍ ഉണ്ടായി. കെഎച്ച്എന്‍എ റീജിയണല്‍ കമ്മറ്റിക്കുവേണ്ടി ശിവന്‍പിള്ള സ്വാഗതവും മുരളികൃഷ്ണന്‍ നന്ദിയും പറഞ്ഞു. വിഭവസമൃദ്ധമായ സദ്യയും ഉണ്ടായിരുന്നു.
ടിഎന്‍.നായര്‍ അറിയിച്ചതാണിത്
Comments