ജയപ്രകാശ് നായര്‍
നായര്‍ ബനവലന്റ് അസോസിയേഷന്‍ സെന്ററില്‍ മാസം തോറും നടന്നു വരുന്ന ഭജനയോടൊപ്പം സരസ്വതീ പൂജയും നവരാത്രിയും ഒക്ടോബര്‍ മാസം 11ന് ശെനിയാഴ്ച ആഘോഷിക്കുകയുണ്ടായി. ഭക്തിനിര്‍ഭരമായ ഭജന സ്‌പോണ്‌സര്‍ ചെയ്തത് എന്‍.ബി.എയുടെ വനിതാ ഫോറത്തിന്റെ നേതൃത്വത്തില്‍ ആയിരുന്നു. ഭജന കമ്മിറ്റി ചെയര്‍മാന്‍ പ്രഭാകരന്‍ നായര്‍ ഭജന നയിച്ചു.തുടര്‍ന്ന് ജയ്പ്പൂരില്‍ നിന്നുള്ള വിശ്വപ്രശസ്ത കഥക് നര്‍ത്തകിയും നൃത്താദ്ധ്യാപികയുമായ ശ്രീമതി മനീഷാ ഗുല്യാനിയുടെ മനം മയക്കുന്ന കഥക് നൃത്തം നടക്കുകയുണ്ടായി. വനിതാ ഫോറം ചെയര്‍ പേര്‍സണ്‍ രാജേശ്വരി രാജഗോപാല്‍ നര്‍ത്തകിയെ പരിചയപ്പെടുത്തി. നൃത്തം പഠിക്കുന്ന വിദ്യാര്‍ത്ഥികള്‍ക്ക് കഥക് നൃത്തത്തെ കൂടുതല്‍ വിശദമായി മനസിലാക്കാന്‍ മനീഷാ ഗുല്യാനിയുടെ നൃത്തത്തില്‍ നിന്നും അവരുടെ പ്രഭാഷണത്തില്‍ നിന്നും ഒക്കെ ഉപകരിച്ചു എന്ന് നന്ദി പ്രകാശിപ്പിച്ചു കൊണ്ട് പ്രസിഡന്റ് രഘുവരന്‍ നായര്‍ പറഞ്ഞു.
ജയപ്രകാശ് നായര്‍
Comments