വാഷിംഗ്ടണ് ഡി.സി: നോര്ത്ത് അമേരിക്കയിലെ മലയാളി വോളിബോള് പ്രേമികളുടെ സംഘടനയായ കെ.വി.എല്.എന്.എ (കേരളാ വോളിബോള് ലീഗ് ഓഫ് നോര്ത്ത് അമേരിക്ക)യുടെ ആഭിമുഖ്യത്തില് വര്ഷംതോറും നടത്തിവരാറുള്ള ജിമ്മി ജോര്ജ് സ്മാരക വോളിബോള് ടൂര്ണമെന്റിനു ചരിത്രത്തില് ആദ്യമായി വാഷിംഗ്ടണ് നഗരം ആതിഥ്യമരുളുന്നു. മെമ്മോറിയല് ഡേ അവധി ദിവസങ്ങളായ 24,25 തീയതികളില് രാവിലെ 9.30 മുതല് വൈകിട്ട് 7.30 വരെ യൂണിവേഴ്സിറ്റി ഓഫ് മേരിലാന്റ് കോളജ് പാര്ക്ക് കാമ്പസിലെ റിച്ചി കൊളീസിയമാണ് ഈ 26-മത് ടൂര്ണമെന്റിന് വേദിയാകുന്നത്.
ജിമ്മി ജോര്ജിന്റെ സഹോദരനായ ജോസ് ജോര്ജ് ആയിരിക്കും (റിട്ട. ഐ.ജി, കേരളാ പോലീസ്) ഉദ്ഘാടന ചടങ്ങുകളിലെ മുഖ്യാതിഥി. യു.എസിലേയും കാനഡയിലേയും പതിമൂന്ന് ടീമുകളാണ് ഇത്തവണ മത്സരത്തില് മാറ്റുരയ്ക്കുന്നത്.
ഈവര്ഷത്തെ ടൂര്ണമെന്റിന്റെ ആതിഥേയരായ ബി.ഡബ്ല്യു കിംഗ്സും, കെ.വി.എല്.എന്.എയും എല്ലാ കായിക പ്രേമികളേയും ഈ വോളിബോള് ഉത്സവത്തിലേക്ക് സ്വാഗതം ചെയ്തു.
Comments