ഡാളസ് : വേള്‍ഡ് മലയാളി കൗണ്‍സില്‍ ഡി.എഫ്.ഡബ്ലിയു പ്രൊവിന്‍സ് ഇര്‍വിംഗ് നിമിംഗ്‌സ് ഹൈസ്‌ക്കൂളില്‍ മെയ് 18 ഞായറാഴ്ച സംഘടിച്ച പ്രശസ്ത സിനിമാതാരങ്ങളായ മുകേഷ്, ജഗദീഷ്, മീരാനന്ദന്‍, ഏഷ്യാനെറ്റ് ഐഡിയ സ്റ്റാര്‍ സിംഗര്‍ പരിപാടിയിലൂടെ പ്രശസ്തരായവര്‍, മിമിക്രി താരങ്ങള്‍, നര്‍ത്തകര്‍ തുടങ്ങിയവരെ അണിനിരത്തി നടത്തിയ കേരള എക്‌സ്പ്രസ് മെഗാഷോ വന്‍വിജയമായി.
കുടുംബപ്രേക്ഷകര്‍ക്കായി ഒരുക്കിയ വിവിധ കലാപരിപാടികള്‍ കേര്‍ത്തിണക്കിയ ഈ വര്‍ഷത്തെ മികച്ച സ്റ്റേജി ഷോ എന്ന പ്രശസ്തി നേടിയ ഈ പ്രോഗ്രാം ആരംഭം മുതല്‍ അവസാനം വരെ കാണികളുടെ മുക്തകണ്ഠ പ്രശംസ നേടി.
ഡാളസ് ഫോര്‍ട്ട് വര്‍ത്ത് മെട്രോപ്ലെക്‌സിലെ മലയാളികളുടെ മനംകവര്‍ന്ന മെഗാഷോയുടെ ഉല്‍ഘാടനം വേള്‍ഡ് മലയാളി കൗണ്‍സില്‍ അംഗങ്ങളുടെ നിറസാന്നിധ്യത്തില്‍ ഗ്ലോബല്‍ അഡൈ്വസറി ചെയര്‍മാന്‍ ഗോപാലപിള്ള, അമേരിക്കന്‍ റീജിയണല്‍ ചെയര്‍മാന്‍ ജോണ്‍സന് തലച്ചെല്ലൂര്‍, റീജിയണല്‍ പ്രസിഡന്റ് ഏലിയാസ് പത്രോസ്, ഡി.എഫ്.ഡബ്ലി പ്രൊവിന്‍സ് ചെയര്‍ പേഴ്‌സണ്‍ ഏലിക്കുട്ടി ഫ്രാന്‍സീസ്, പ്രസിഡന്റും പത്രപ്രവര്‍ത്തകനുമായ ഷാജി രാമപുരം, സെക്രട്ടറി സുജിത് തങ്കപ്പന്‍, ട്രഷറര്‍ മഹേഷ് പിള്ള എന്നിവര്‍ ചേര്‍ന്ന് ഭദ്രദീപം തെളിയിച്ചാണ് നിര്‍വ്വഹിച്ചത്.
ന്യൂയോര്‍ക്ക് കേന്ദ്രമായി പ്രവര്‍ത്തിക്കുന്ന തരംഗം ആര്‍ട്‌സാണ് അമേരിക്കയിലെ വിവിധ നഗരങ്ങളില്‍ ഈ മെഗാ ഷോ പ്രേക്ഷകര്‍ക്കായി സമര്‍പ്പിച്ചത്.
Comments