കേരളത്തെ നടുക്കിയ ജലപ്രളയത്തില്‍ തങ്ങളുടെ ജീവന്‍ പണയംവെച്ച് ഉപജീവനമാര്‍ഗ്ഗമായ ബോട്ടുകളും വള്ളങ്ങളുമായി പാഞ്ഞെത്തി രക്ഷാപ്രവര്‍ത്തനത്തിനു നേതൃത്വം നല്‍കി അനേകരുടെ ജീവന്‍ രക്ഷിച്ച, ഭക്ഷണം നല്കിയ മത്സ്യത്തൊഴിലാളികളുടെ നല്ല മനസ്സിനു മുന്നില്‍ ശിരസ് നമിച്ചുകൊണ്ട് ഫൊക്കാന അഭിനന്ദമറിയിച്ചു.

വിദേശ മലയാളികളായ നമുക്ക് ഒരു നല്ല പാഠമായി ഇത് ഉള്‍ക്കൊള്ളാന്‍ കഴിയണം. കഴിയുന്നത്ര സഹായം എത്തിച്ചുകൊടുക്കാന്‍ ശ്രമിക്കണം. കേരളത്തിന്റെ പുനര്‍നിര്‍മ്മാണത്തിനായി ഫൊക്കാന 1,00,000 ഡോളര്‍ സമാഹരിക്കാന്‍ എല്ലാവരുടേയും സഹായ സഹകരണങ്ങള്‍ അഭ്യര്‍ത്ഥിക്കുന്നു.www.gofundme.com/fokana എന്ന ലിങ്കിലൂടെ നിങ്ങളുടെ സഹായം അയയ്ക്കാം. കുട്ടനാട്ടിലെ ദുരിതാശ്വാസ ക്യാമ്പുകളില്‍ ആഹാരസാധനങ്ങളും വസ്ത്രവും എത്തിക്കുന്നതിനു ക്രമീകരണങ്ങള്‍ ചെയ്തതിനുശേഷംപത്രപ്രവര്‍ത്തകരോട് സംസാരിക്കുകയായിരുന്നു അദ്ദേഹം. ഒരു ലക്ഷം ഡോളര്‍ സമാഹരിക്കാന്‍ ഫൊക്കാന ആരംഭിച്ചുകഴിഞ്ഞതായും അദ്ദേഹം പ്രസ്താവിച്ചു.