ഹൂസ്റ്റണ് ∙ ഹൂസ്റ്റണ് ഇന്ത്യന് കോണ്സുലേറ്റ് ജനറല് ഇന്ത്യ അസോസിയേഷന് ഓഫ് നോര്ത്ത് ടെക്സസുമായി സഹകരിച്ചു ഏകദിന കോണ്സുലര് ക്യാംപ് ഡാലസില് സംഘടിപ്പിക്കുന്നു. ഓഗസ്റ്റ് 18 നു രാവിലെ 9.30 മുതല് വൈകിട്ട് 4.30 വരെ 11321 വെബ്ചാപ്പൽ റോഡിലുള്ള ജെയിൻ സൊസൈറ്റി ഓഫ് നോർത്ത് ടെക്സാസിലാണ് ക്യാംപിനുള്ള ഒരുക്കങ്ങള് നടക്കുന്നത്.
അമേരിക്കന് പാസ്പോര്ട്ട് കൈവശമുള്ള ഇന്ത്യന് വംശജര്ക്ക് ഒസിഐ, വിസ, റിനന്സിയേഷന് സര്ട്ടിഫിക്കറ്റ് എന്നിവയ്ക്കാവശ്യമായ അപേക്ഷകളും ആവശ്യമായ രേഖകളുമായി ക്യാംപില് എത്തിയാല് അവ പരിശോധിച്ചു ഉറപ്പുവരുത്തിയശേഷം ഹൂസ്റ്റണ് സികെജിഎസ് ഓഫിസില് അയയ്ക്കുവാന് കഴിയും. ഇതുമൂലം കാലതാമസം ഒഴിവാക്കുവാന് കഴിയുമെന്നും കോണ്സുലേറ്റ് അറിയിച്ചു.
കോണ്സുലേറ്റ് ഉദ്യോഗസ്ഥരുമായി ചര്ച്ചയ്ക്കുള്ള അവസരങ്ങളും ഉണ്ടായിരിക്കും. www.iant.org (ഐഎഎന്ടി.ഓര്ഗ) എന്നീ വെബ് സൈറ്റില് നിന്നും കൂടുതല് വിവരങ്ങള് ലഭ്യമാണ്.
Comments