ഷിക്കാഗോ: ഷിക്കാഗോ സിറ്റിയുടെ ഫെബ്രുവരി 24-ന്‌ നടക്കുന്ന ആള്‍ഡര്‍മാന്‍ തെരഞ്ഞെടുപ്പില്‍ മത്സരിക്കുന്ന ഷാജന്‍ കുര്യാക്കോസിന്‌ സര്‍വ്വകക്ഷി പിന്തുണയോടെയുള്ള വീടുവീടാന്തരം തോറും കയറിയിറങ്ങിയുള്ള ഇലക്ഷന്‍ പ്രചാരണം നടത്തുന്നതിനു തീരുമാനിച്ചതായി സര്‍വ്വകക്ഷി സംഘാടകര്‍ അറിയിച്ചു. രാഷ്‌ട്രീയ-സാമൂഹിക-സംഘടനാ കക്ഷി ഭേദമില്ലാതെ എല്ലാ മലയാളി സുഹൃത്തുക്കളേയും അഭ്യുദയകാംക്ഷികളേയും ഫെബ്രുവരി 21-ന്‌ ശനിയാഴ്‌ച ഒരുമണിക്ക്‌ ഇലക്ഷന്‌ പ്രചാരണം നടത്തുന്നതിനു ഡിവോണിലുള്ള സെന്റ്‌ തിമോത്തി പള്ളിയുടെ പാര്‍ക്കിംഗ്‌ ലോട്ടില്‍ ഒന്നിച്ചുകൂടണമെന്ന്‌ സംഘാടര്‍ ആവശ്യപ്പെട്ടു. ഈരണ്ടുപേര്‍ വീതം ഗ്രൂപ്പുകളായി തിരിഞ്ഞ്‌ വീടുകള്‍ തോറും കയറിയിറങ്ങിയുള്ള പ്രചാരണമാണ്‌ ലക്ഷ്യമിടുന്നത്‌.

മലയാളി കമ്യൂണിറ്റിയില്‍ നിന്നും രാഷ്‌ട്രീയ മുഖ്യധാരയിലേക്ക്‌ സമൂഹനന്മയ്‌ക്കുപകരിക്കുന്ന വ്യക്തികള്‍ കടന്നുവരേണ്ടതിന്റെ ആവശ്യകതയുടെ പശ്ചാത്തലവും അതിന്റെ ഗൗരവവും മനസിലാക്കി ഈ പ്രചാരണ പരിപാടിയില്‍ പങ്കെടുത്ത്‌ ഷാജന്‍ കുര്യാക്കോസിന്റെ വിജയം സുനിശ്ചിതമാക്കുന്നതിന്‌ സഹകരിക്കണമെന്ന്‌ എല്ലാ മലയാളി സുഹൃത്തുക്കളേയും അഭ്യുദയകാംക്ഷികളേയും സംഘാടകര്‍ ക്ഷണിക്കുന്നു.

കൂടുതല്‍ വിവരങ്ങള്‍ക്ക്‌: സണ്ണി വള്ളിക്കളം (847 722 7598), സിറിയക്‌ കൂവക്കാട്ടില്‍ (630 673 3382), ബെന്നി വാച്ചാച്ചിറ (847 322 1973), പീറ്റര്‍ കുളങ്ങര (847 951 4476). സാബു നടുവീട്ടില്‍ അറിയിച്ചതാണിത്‌.