പെന്‍സില്‍വാനിയ: ആറര ഡോളര്‍ പലിശ നല്‍കാന്‍ വീഴ്ച്ച വരുത്തിയ നടപടി കൗണ്ടിക്ക് നഷ്ടം ഉണ്ടാക്കിയിട്ടുണ്ടെന്നും, ആയതിനാല്‍ 280,000 ഡോളര്‍ വിലമതിക്കുന്ന വീടു 116000 ഡോളറിനു ലേലം ചെയ്ത നടപടി ശരിയാണെന്നും ബീവര്‍ കൗണ്ടി ജഡ്ജ് ഗസ് ക്വീഡിസ് വിധിച്ചു.
ലേലം ചെയ്യുന്നതിനു മുമ്പ് ആവശ്യമായ നോട്ടീസ് നല്‍കിയിരുന്നുവെന്നു, വീട്ടുടമസ്ഥ അതു കാര്യമായി എടുത്തില്ലെന്നും കോടതി ചൂണ്ടികാട്ടി.
2011 ആഗസ്റ്റ് 12ന് ഫസ്റ്റ്ക ക്ലാസ് മെയ്‌ലിലാണ് ലേലം ചെയ്യുന്ന വിവരം അറിയിച്ചുകൊണ്ട് കത്തയച്ചതെന്നും, അത് ആരും സ്വീകരിക്കാതെ മടങ്ങിയെന്നും കോടതി കണ്ടെത്തി.
ലേലം ചെയ്തതില്‍ 235 ഡോളര്‍ നഷ്ടപരിഹാരമായി എടുത്തതിനു ശേഷം ബാക്കി മുഴുവന്‍ തുകയും വീട്ടുടമസ്ഥന് നല്‍കിയിരുന്നു.
വിധവയായ ബെറ്റ്‌സ്‌റ്‌റി എന്ന വീട്ടുടമസ്ഥ ഈ വിധിക്കെതിരെ കോമണ്‍വെല്‍ത്ത് കോര്‍ട്ടില്‍ അപ്പീല്‍ നല്‍കുമെന്ന് ഇന്ന് ഏപ്രില്‍ 28ന് അറിയിച്ചു.
ബീവര്‍ കൗണ്ടി ചീഫ് സോളിസിറ്റര്‍ ജോ അസ്‌ക്കര്‍ കോടതി വിധി ശരിയായ നടപടിയാണെന്നാണ് അഭിപ്രായപ്പെട്ടത്.
ആറര ഡോളര്‍ അടയ്ക്കാന്‍ മറന്നതാണെന്നും, മറ്റെല്ലാ ടാക്‌സും അടച്ചിട്ടുണ്ടെന്നും, ലേലം ചെയ്ത നടപടി പിന്‍വലിക്കണമെന്നാവശ്യപ്പെട്ട് നല്‍കിയ അപ്പീലിലാണ് കോടതിവിധി.
Comments