ന്യൂയോര്‍ക്ക് : ബ്രോങ്ക്‌സ് സെന്റ് തോമസ് സീറോ മലബാര്‍ ഫൊറോന ദേവാലയത്തില്‍, വി. യൗസേപ്പ് പിതാവിന്റെ മരണത്തിരുന്നാള്‍ മാര്‍ച്ച് 22-ാം തീയതി ഞായറാഴ്ച ഭക്തി നിര്‍ഭരമായ തിരുക്കര്‍മ്മങ്ങളോടെ ആചരിക്കുന്നു.
രാവിലെ 10.30ന് ആരംഭിക്കുന്ന തിരുന്നാള്‍ കുര്‍ബ്ബാനയില്‍ റവ.ഫാ.ഡേവിഡ് ചിറമ്മേല്‍, ഫാ.സൈമണ്‍ പള്ളിപ്പറമ്പില്‍, വികാരി ഫാ.ജോസ് കണ്ടത്തിക്കുടി, അസി.വികാരി.ഫാ.റോയിസന്‍ മേനോലിക്കല്‍ എന്നിവര്‍ കാര്‍മ്മികരായിരിക്കും.
ഇടവകയിലെ എല്ലാ ജോസഫ് നാമധേയരും ചേര്‍ന്നാണ് തിരുന്നാള്‍ ഏറ്റുകഴിക്കുന്നത്. സ്‌നേഹവിരുന്നും ഒരുക്കിയിട്ടുണ്ട്. ബെന്നി മുട്ടപ്പള്ളി കോര്‍ഡിനേറ്ററായുള്ള കമ്മറ്റി തിരുന്നാളിനു വേണ്ടി ക്രമീകരണങ്ങള്‍ നടത്തിവരുന്നു.തിരുക്കുടുംബത്തിന്റേയും, തൊഴിലാളികളുടേയും മദ്ധ്യസ്ഥനായ വി.യൗസേപ്പ് പിതാവിന്റെ തിരുന്നാളിലേക്ക് എല്ലാ വിശ്വാസികളേയും ബ്രോങ്ക്‌സ് ഇടവക സ്വാഗതം ചെയ്യുന്നതായി വികാരി ഫാ.ജോസ് കണ്ടത്തിക്കുടി അറിയിച്ചു.
Comments