ഹ്യൂസ്റ്റണ്‍: അമേരിക്കയില്‍ പ്രവര്‍ത്തിക്കുന്ന "ജസ്റ്റീസ് ഫോര്‍ ഓള്‍"(JFA) സംഘടനയുടെ ആഭിമുഖ്യത്തില്‍ ഡിസംബര്‍ 17ന് വൈകുന്നേരം 9 PMമണിക്ക്( ഈസ്റ്റേണ്‍ സ്റ്റാന്‍ഡാര്‍ഡ് ടൈം) "അമേരിക്കന്‍ നിവാസികളുടെ വിദേശ നിക്ഷേപങ്ങളും നികുതി ബാധ്യതകളും, ടാക്‌സ് റിട്ടേണുകളും" എന്ന വിഷയത്തെ ആധാരമാക്കി ടെലികോണ്‍ഫറന്‍സ് സെമിനാര്‍ ഉണ്ടായിരിക്കും. അമേരിക്കയിലുള്ള മലയാളികളുടെ വിവിധ തരത്തിലുള്ള ഇന്ത്യയിലെ നിക്ഷേപങ്ങളേയും അതിനുള്ള അമേരിക്കന്‍ നികുതി ബാധ്യതകളേയും സമര്‍പ്പിക്കേണ്ട വരുമാനനികുതി പത്രങ്ങളെപ്പറ്റിയും, പെനാല്‍റ്റിയെ പറ്റിയുമൊക്കെ സാമ്പത്തിക വിദഗ്ദരും, ടാക്‌സ് അക്കൗണ്ടന്റ്മാരും ചര്‍ച്ച ചെയ്യും. നിങ്ങളുടെ പ്രൈവസിക്ക് ഒരു തരത്തിലും ഭംഗം വരാത്തവിധത്തിലായിരിക്കും ചര്‍ച്ചകള്‍. വ്യകിതപരമായ ഒരു കാര്യവും ഇവിടെ വെളിവാക്കേണ്ടതില്ല.

ഉദാഹരണങ്ങള്‍ നിരത്തി കൊണ്ട് ചോദ്യങ്ങളും ഉത്തരങ്ങളും ആകാം. ഇന്ത്യയില്‍ ഭൂമിയും, വരുമാനവും, ബാങ്ക് അക്കൗണ്ടുകളും ഉള്ളവര്‍ക്കും ഈ ടെലികോണ്‍ഫറന്‍സ് ഏറെ പ്രയോജനപ്പെടും. ഇതില്‍ പങ്കെടുക്കുവാന്‍ യാതൊരു ബാധ്യതകളുമില്ലെന്നുമാത്രമല്ല, ജെ.എഫ്.എ. സംഘടന ഏവരേയും ഇതിലേക്ക് സ്വാഗതം ചെയ്യുന്നു. മോസറേറ്ററുടെ നിര്‍ദ്ദേശങ്ങളും, അഭ്യര്‍ത്ഥനകളും പാലിക്കണമെന്നുമാത്രം. പ്രയോജനപ്രദങ്ങളായ വിവിധ വിഷയങ്ങളെ പറ്റി എല്ലാ ചൊവ്വാഴ്ചയും വൈകുന്നേരങ്ങളില്‍ ടെലികോണ്‍ഫറന്‍സുകള്‍ നടത്തിവരുന്നു. ഡിസംബര്‍ 17 ന് വൈകുന്നേരം 9 മണിക്ക് നടക്കാന്‍ പോകുന്നത് 41-മത്തെ ടെലികോണ്‍ഫറന്‍സാണ്. 9 PMഎന്ന അമേരിക്കന്‍ ഈസ്റ്റേണ്‍ സ്റ്റാന്‍ഡാര്‍ഡ് ടൈം അവരവരുടെ സ്റ്റേറ്റിലെ ടൈംസോണ്‍ കണക്കാക്കി ടെലിഫോണില്‍ വിളിച്ച് ടെലികോണ്‍ഫറന്‍സില്‍ സംബന്ധിക്കുക. ന്യൂയോര്‍ക്കിലെ പ്രസിദ്ധ സാമ്പത്തിക ശാസ്ത്ര വിദഗ്ദനും ടാക്‌സ് അക്കൗണ്ടന്റും, അമേരിക്കന്‍ മലയാളിയുമായ ജയിന്‍ ജേക്കബ് നിങ്ങളുടെ ചോദ്യങ്ങള്‍ക്ക് ഉത്തരം നല്‍കുന്നതുമായിരിക്കും. 17-തീയതിയിലെ ഈ ടെലികോണ്‍ഫറന്‍സ് കഴിഞ്ഞാല്‍ അടുത്ത രണ്ട് ആഴ്ചത്തേക്ക് ക്രിസ്തുമസ്-പുതുവല്‍സര ആഘോഷങ്ങള്‍ പ്രമാണിച്ച് ടെലികോണ്‍ഫറന്‍സ് ഉണ്ടായിരിക്കുന്നതല്ലാ.