You are Here : Home / USA News

ഐ.പി.സി ഫാമിലി കോണ്‍ഫറന്‍സിന്റെ പ്രമോഷണല്‍ മീറ്റിംഗ് ഡാളസില്‍ നടന്നു

Text Size  

Story Dated: Monday, April 08, 2019 11:46 hrs UTC

രാജു തരകന്‍

ഡാളസ്: നോര്‍ത്ത് അമേരിക്കന്‍ ഐ.പി.സി സഭകളുടെ ഫാമിലി കോണ്‍ഫറന്‍സിന്റെ പ്രമോഷണല്‍ മീറ്റിംഗ് ഏപ്രില്‍ 7ന് ഐ.പി.സി ഹെബ്രോന്‍ സഭാഹാളില്‍ നടന്നു. റവ.ഡോ.വി.എ.വര്‍ഗീസിന്റെ അദ്ധ്യക്ഷതയില്‍ കൂടിയ യോഗത്തില്‍ ഡാളസ് പട്ടണത്തിലെ ഐ.പി.സി സഭകളില്‍ നിന്നുള്ള സഭാശുശ്രൂഷകരും വിശ്വാസികളും പങ്കെടുത്തു. ഡാളസ് പ്രതിനിധി ഫിലിപ്പ് ജോണ്‍ യോഗത്തിനുള്ള ക്രമീകരണങ്ങള്‍ ചെയ്തു. ഐ.പി.സി ഹെബ്രോന്‍ ക്വയറാണ് സംഗീത ശുശ്രൂഷയ്ക്ക് നേതൃത്വം വഹിച്ചത്. ഫ്‌ളോറിഡയില്‍ ഓര്‍ലാന്റോ പട്ടണത്തില്‍ ജൂലൈ 25 മുതല്‍ 28 വരെയാണ് കോണ്‍ഫറന്‍സ് നടക്കുന്നത്. സ്വദേശത്തും വിദേശത്തും നിന്നും കടന്നുവരുന്നവരാണ് പ്രഭാഷണം നിര്‍വ്വഹിക്കുന്നത്. നാഷണല്‍ ഭാരവാഹികളായ പാസ്റ്റര്‍ ആന്റണി റോക്കി (ചെയര്‍മാന്‍), സി.എം.ഏബ്രഹാം (സെക്രട്ടറി), അനവധി പെന്തെക്കോസ്ത് കോണ്‍ഫറന്‍സുകള്‍ക്ക് നേതൃത്വം വഹിച്ചിട്ടുള്ള ജോണ്‍സണ്‍ ഏബ്രഹാമാണ് നാഷണല്‍ ട്രഷററായി പ്രവര്‍ത്തിക്കുന്നത്. ഡാളസില്‍ നിന്നും ധാരാളം വ്യക്തികള്‍ രജിസ്‌ട്രേഷന്‍ ചെയ്തിട്ടുണ്ട്. ഏപ്രില്‍ 25 നകം രജിസ്റ്റര്‍ ചെയ്യുന്നവര്‍ക്ക് കുറഞ്ഞ നിരക്കില്‍ രജിസ്റ്റര്‍ ചെയ്യാവുന്നതാണെന്ന് ഭാരവാഹികള്‍ അറിയിച്ചു. വിശദ വിവരങ്ങള്‍ക്ക് വെബ്‌സൈറ്റ് സന്ദര്‍ശിക്കുക. www.ipcfamilyconference

    Comments

    നിങ്ങളുടെ അഭിപ്രായങ്ങൾ


    PLEASE NOTE : അവഹേളനപരവും വ്യക്തിപരമായ അധിഷേപങ്ങളും അശ്ലീല പദപ്രയോഗങ്ങളും ദയവായി ഒഴിവാക്കുക. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. അശ്ലീല അഭിപ്രായങ്ങള്‍ പോസ്റ്റ് ചെയ്യുന്നതല്ല.







More From Featured News
View More