ന്യൂയോര്‍ക്ക്‌: 2014-ലെ ഫൊക്കാന നോവല്‍ അവാര്‍ഡിന്‌ പരിഗണിക്കപ്പെടുന്നതിന്‌ അമേരിക്കയിലേയും, കാനഡയിലേയും എഴുത്തുകാരുടെ കൃതികള്‍ ക്ഷണിക്കുന്നതായി നോവല്‍ അവാര്‍ഡ്‌ കോര്‍ഡിനേറ്റര്‍ മുരളി ജെ. നായര്‍ അറിയിച്ചു.

2012 ജൂണ്‍ ഒന്നിനുശേഷം പ്രസിദ്ധീകരിക്കപ്പെട്ട നോവലുകള്‍ മാത്രമേ പരിഗണിക്കപ്പെടുകയുള്ളൂ. ഇതുവരെ പ്രസിദ്ധീകരിക്കാത്തവയും, അച്ചടിയിലിരിക്കുന്നവയുമായ കൃതികള്‍ പരിഗണിക്കപ്പെടുന്നതല്ല.

ജൂലൈ 4,5,6 തീയതികളില്‍ ഷിക്കാഗോയില്‍ നടക്കുന്ന ഫൊക്കാനാ കണ്‍വെന്‍ഷന്റെ ഭാഗമായ സാഹിത്യ സമ്മേളനത്തില്‍ വെച്ച്‌ അവാര്‍ഡുകള്‍ വിതരണം ചെയ്യുന്നതാണ്‌.

കൃതികള്‍ മെയ്‌ 15-ന്‌ മുമ്പായി ലഭിച്ചിരിക്കണം. വിലാസം: M.A. Abdutty, 25648 Salem, Roseville, MI 48066.

കൂടുതല്‍ വിവരങ്ങള്‍ക്ക്‌: മുരളി ജെ. നായര്‍ (215 744 5100), ഇമെയില്‍: mjnair@aol.com