You are Here : Home / USA News

ചിക്കാഗോ അന്താരാഷ്ട്ര വടംവലി മാമാങ്കത്തിന് കൊടിയിറങ്ങി

Text Size  

Story Dated: Thursday, September 12, 2019 02:26 hrs UTC



ജോയിച്ചന്‍ പുതുക്കുളം

ചിക്കാഗോ :  വിദേശ മലയാളികളുടെ കായികചരിത്രത്തില്‍ പുതിയ അദ്ധ്യായം എഴുതിച്ചേര്‍ത്തു കൊണ്ട് ചിക്കാഗോ സോഷ്യല്‍ ക്ലബ്ബ് ഒരുക്കിയ ഏഴാമത് അന്താരാഷ്ട്ര വടംവലി മത്സരത്തിന് ഉജ്ജ്വല സമാപനം. വിവിധ രാജ്യങ്ങളില്‍ നിന്നുള്ള പന്ത്രണ്ട് ടീമുകള്‍ കൊമ്പോട് കൊമ്പ് കോര്‍ത്ത് ഇഞ്ചോടിഞ്ച് പോരാടിയ മത്സരം കാണുവാന്‍ ചിക്കാഗോ സെന്റ് മേരീസ് പള്ളി അങ്കണത്തില്‍ തിങ്ങിനിറഞ്ഞ അയ്യായിരത്തിലധികം കാണികള്‍ സാക്ഷികളായി. മാസങ്ങള്‍ നീണ്ടുനിന്ന പരിശീലനങ്ങള്‍ക്കൊടുവില്‍ കാരിരുമ്പിന്റെ കരുത്തുമായാണ് പന്ത്രണ്ട് ടീമുകളും അങ്കത്തട്ടില്‍ ഇറങ്ങിയത്. വിവിധ ഘട്ടങ്ങളിലെ തുടര്‍ച്ചയായ വലികള്‍. ഒടുവില്‍ കാനഡ കോട്ടയം ബ്രദേഴ്‌സിനെ രണ്ടാം സ്ഥാനത്തേക്ക് പിന്തള്ളിക്കൊണ്ട് ബ്രിട്ടീഷ് ആധിപത്യം ഉറപ്പിച്ചുകൊണ്ട് ടീം യു.കെ. മാണി നെടിയകാലായില്‍ മെമ്മോറിയല്‍ എവര്‍റോളിംഗ് ട്രോഫിയില്‍ മുത്തമിട്ടു. ജോയി നെടിയകാല സ്‌പോണ്‍സര്‍ ചെയ്ത 5001 ഡോളറും ടീം യു.കെ. കരസ്ഥമാക്കി.
   
രണ്ടാം സമ്മാനം ഫിലിപ്പ്  മുണ്ടപ്ലാക്കല്‍ സ്‌പോണ്‍സര്‍ ചെയ്ത 3001 ഡോളറും ജോയി മുണ്ടപ്ലാക്കല്‍ മെമ്മോറിയല്‍ എവര്‍റോളിംഗ് ട്രോഫിയും കൊണ്ട് കാനഡ കോട്ടയം ബ്രദേഴ്‌സിന് തൃപ്തിപ്പെടേണ്ടി വന്നു.
   
സാബു പടിഞ്ഞാറേല്‍ സ്‌പോണ്‍സര്‍ ചെയ്ത 2001 ഡോളറും ജോര്‍ജ്ജ് പടിഞ്ഞാറേല്‍ മെമ്മോറിയല്‍ എവര്‍റോളിംഗ് ട്രോഫിയും മൂന്നാം സ്ഥാനക്കാരായ ചിക്കാഗോ അരീക്കര അച്ചായന്‍സ് കരസ്ഥമാക്കിയപ്പോള്‍ ചിക്കാഗോ മംഗല്യ ജൂവല്ലറി സ്‌പോണ്‍സര്‍ ചെയ്ത 1001 ഡോളറും എവര്‍റോളിംഗ് ട്രോഫിയും നാലാം സ്ഥാനക്കാരായ കാനഡ ഗ്ലാഡിയേറ്റേഴ്‌സ് കരസ്ഥമാക്കി.
   
ചിക്കാഗോയിലെ ഏറ്റവും വലിയ ഈ കായിക മാമാങ്കത്തിന്റെ വിജയത്തിനു പിന്നില്‍ ഇവിടെ വന്ന എല്ലാ വടംവലി ടീമുകളുടെയും ചിക്കാഗോയിലെ എല്ലാ നല്ലവരായ വടംവലി പ്രേമികളുടെയും സഹകരണം കൊണ്ടും ഇതിനെല്ലാം ഉപരി സോഷ്യല്‍ ക്ലബ്ബ് കുടുംബാംഗങ്ങളുടെ ഒത്തൊരുമിച്ചുള്ള പ്രവര്‍ത്തനങ്ങള്‍ കൊണ്ടുമാണെന്ന് പ്രസിഡന്റ് പീറ്റര്‍ കുളങ്ങര, വൈസ് പ്രസിഡന്റ് ജിബി കൊല്ലപ്പിള്ളി, സെക്രട്ടറി റോണി തോമസ്, ട്രഷറര്‍ സണ്ണി ഇടിയാലി, ജോയിന്റെ സെക്രട്ടറി സജി തേക്കുംകാട്ടില്‍, ചെയര്‍മാന്‍ റൊണാള്‍ഡ് പൂക്കുമ്പേല്‍, പി.ആര്‍.ഒ. മാത്യു തട്ടാമറ്റം എന്നിവര്‍ സംയുക്തമായി പറഞ്ഞു.

മാത്യു തട്ടാമറ്റം അറിയിച്ചതാണിത്.

    Comments

    നിങ്ങളുടെ അഭിപ്രായങ്ങൾ


    PLEASE NOTE : അവഹേളനപരവും വ്യക്തിപരമായ അധിഷേപങ്ങളും അശ്ലീല പദപ്രയോഗങ്ങളും ദയവായി ഒഴിവാക്കുക. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. അശ്ലീല അഭിപ്രായങ്ങള്‍ പോസ്റ്റ് ചെയ്യുന്നതല്ല.







More From Featured News
View More
More From Trending
View More