ഡാലസ് സൗഹൃദ വേദി ഉല്ലാസവേളയില് അമ്മമാരെ ആദരിച്ചു
Text Size
എബി മക്കപ്പുഴ
abythomas@msn.com
Story Dated: Saturday, May 17, 2014 11:05 hrs UTC
ഡാലസ്: കരൊള്റ്റൊണ് ടിമ്പെര് ക്രീക്ക് പാര്കിണല് കൂടിയ ഡാലസ് സൗഹൃദ വേദിയുടെ ഉല്ലാസ വേള പ്രവാസി മലയാളികളുടെ ആദരണീയനായ ശ്രീ.ഫിലിപ്പ് തോമസ് സി പി എ ഉത്ഘാടനം ചെയ്തു. ഉല്ലാസ വേളയില് കുടുംബസമേതം എത്തിച്ചേര്ന്ന സൗഹൃദ വേദി അംഗങ്ങളെ സെക്രടറി അജയ കുമാര് സ്വാഗതം ചെയ്തു.
തുടര്ന്ന് നടന്ന കലാപരിപാടികള് പ്രസിഡണ്ട് എബിതോമസ് ഉത്ഘാടനം ചെയ്തു. കുട്ടികളുടെയും മുതിര്ന്ന വരുടെയും വിവിധ കലാ പരിപാടികള് വളരെ അടുക്കും ചിട്ടയോടും നടത്തപ്പെട്ടു.
കണ്ണുകള് മൂടി കെട്ടി സുന്ദരിക്ക് പൊട്ടു കുത്തുന്ന നിറപകിട്ടാര്ന്ന പരിപാടി ഉല്ലാസ വേളയുടെ ആഘോഷ ചടങ്ങുകള്ക്ക് മറ്റു കൂട്ടി.
അമ്മമാരേ ആദരിക്കുന്ന ചടങ്ങുകള്ക്ക് ശ്രീമതി. സുനിത ജോര്ജ് നേതൃത്വം നല്കി. അമ്മ എന്ന നാമത്തിന്റെ അര്ത്ഥവും, സമൂഹത്തില് അമ്മമാരുടെ സ്ഥാനവും സുനിതയുടെ ഹൃസ്വമായ പ്രസംഗത്തിലൂടെ വ്യക്തമാക്കി. വിഭവ സമൃദ്ധമായ ഭക്ഷണം ക്രമീകരിച്ച ഉല്ലാസ വേള സംഘാടകരായ ശ്രീ. സുകു വറുഗീസ്, ജോസ് പത്തനാപുരം, ജോസെന് ജോര്ജ് എന്നിവരെ പ്രസിഡണ്ട് അനുമോദനം അറിയിച്ചു. കലാപരിപാടികളില് ഒന്നും രണ്ടും സ്ഥാനം നേടി വിജയം നേടിയവര്ക്ക് എന്നിവര് സമ്മാനദാനം നല്കി.
ഉല്ലാസ വേളയില് ഒരിക്കല് കൂടി സൗഹൃദം പുനംസ്ഥാപിച്ചു മൂന്നു മണിയോട് കൂടി പരിപാടികള് അവസാനിപ്പിച്ചു.
Comments