You are Here : Home / USA News

ഇന്ത്യാ പ്രസ് ക്ലബ് ഓഫ് നോര്‍ത്ത് അമേരിക്ക ന്യൂയോര്‍ക്ക് ചാപ്റ്റര്‍ പ്രസിഡന്റായി ജേക്കബ് റോയി

Text Size  

ജോസ് കാടാംപുറം

kairalitvny@gmail.com

Story Dated: Saturday, December 21, 2013 11:59 hrs UTC

ന്യൂയോര്‍ക്ക്: ഇന്ത്യാ പ്രസ് ക്ലബ്ബ് ഓഫ് നോര്‍ത്ത് അമേരിക്കയുടെ ന്യൂയോര്‍ക്ക് ചാപ്റ്ററിന്റെ അടുത്ത രണ്ടു വര്‍ഷത്തേക്കുള്ള പ്രസിഡന്റായി ജേക്കബ് റോയിയേയും (മലയാളം പത്രം) സെക്രട്ടറിയായി സണ്ണി പൗലോസിനെയും (ജനനി) തെരെഞ്ഞെടുത്തു. പ്രിന്‍സ് മര്‍ക്കോസ് (വൈസ് പ്രസിഡന്റ്-അക്ഷരം); ജെ. മാത്യൂസ് (ട്രഷറര്‍-ജനനി); ബി. അരവിന്ദാക്ഷന്‍ (ജോ. സെക്രട്ടറി-അമ്രുത ടി.വി) എന്നിവരാണു മറ്റു ഭാരവാഹികള്‍. ചാപ്റ്റര്‍ പ്രസിഡന്റ് ജോസ് കാടാപ്പുറത്തിന്റെ അധ്യക്ഷതയില്‍ കൂടിയ യോഗത്തില്‍ സെക്രട്ടറി സജി ഏബ്രഹാം കണക്കും പ്രവര്‍ത്തന റിപ്പോര്‍ട്ടും അവതരിപ്പിച്ചു. ഒരു പെനി പോലും പിരിവ് എടുക്കാതെയാണു ചാപ്റ്ററിന്റെ പ്രവര്‍ത്തനം മുന്നോട്ടു കൊണ്ടു പോയതെന്നു സെക്രട്ടറി പറഞ്ഞു. രണ്ടു വര്‍ഷത്തെ പ്രധാന പ്രവര്‍ത്തനങ്ങള്‍ ജോസ് കാടാപ്പുറം വിശദീകരിച്ചു. ഡോ. ബാബു പോള്‍ നടത്തിയ പ്രവര്‍ത്തനോദ്ഘാടനം മുതല്‍ ഒട്ടേറെ പുതിയ കാര്യങ്ങള്‍ ചെയ്യാനായി. മലയാള ഭാഷയും ഇന്ത്യന്‍ നൃത്തങ്ങളും പഠിപ്പിക്കുന്നവരുമായി നടത്തിയ സംവാദം ഈ രംഗത്തെ പുതിയ കാല്‍ വെയ്പായിരുന്നു. രണ്ടു വര്‍ഷങ്ങളില്‍ തങ്ങള്‍ക്കു നല്‍കിയ സഹകരണത്തിനു ജോസ് കാടാപ്പുറവും സജി ഏബ്രഹാമും നന്ദി പറഞ്ഞു. യാത്രാ ദൈര്‍ഘ്യം കണക്കിലെടുത്തു ന്യു ജേഴ്‌സിയില്‍ പ്രസ് ക്ലബ് ശാഖ തുടങ്ങണമെന്നു യോഗം പ്രമേയത്തിലൂടെ ദേശീയ നേതൃത്വത്തോട് അഭ്യര്‍ത്ഥിച്ചു. പുതിയ ദേശീയ പ്രസിഡന്റ് ടാജ് മാത്യു, പ്രഥമ പ്രസിഡന്റ് ജോര്‍ജ് ജോസഫ് തുടങ്ങിയവരും പങ്കെടുത്തു.

    Comments

    നിങ്ങളുടെ അഭിപ്രായങ്ങൾ


    PLEASE NOTE : അവഹേളനപരവും വ്യക്തിപരമായ അധിഷേപങ്ങളും അശ്ലീല പദപ്രയോഗങ്ങളും ദയവായി ഒഴിവാക്കുക. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. അശ്ലീല അഭിപ്രായങ്ങള്‍ പോസ്റ്റ് ചെയ്യുന്നതല്ല.