രാജന്‍ വാഴപ്പള്ളില്‍

 

വാഷിങ്ടന്‍ ഡിസി: കലഹാരി റിസോര്‍ട്ട് ആന്‍ഡ് കണ്‍വന്‍ഷന്‍ സെന്ററില്‍ ജൂലൈ 17 മുതല്‍ 20 വരെ നടക്കുന്ന മലങ്കര ഓര്‍ത്തഡോക്‌സ് സഭ നോര്‍ത്ത് ഈസ്റ്റ് അമേരിക്കന്‍ ഭദ്രാസന ഫാമിലി/യൂത്ത് കോണ്‍ഫറന്‍സിന്റെ വിവിധ കമ്മിറ്റികളുടെ പ്രവര്‍ത്തനം ഊര്‍ജ്‌സ്വലമായി. കോണ്‍ഫറന്‍സ് നടക്കുന്ന ജൂലൈ 17 മുതല്‍ 20 വരെയുള്ള ദിവസങ്ങളില്‍ മെഡിക്കല്‍ സഹായം ആവശ്യമുള്ളവര്‍ കോഓര്‍ഡിനേറ്റര്‍ അനു വര്‍ഗീസിന്റെ നേതൃത്വത്തിലുള്ള മെഡിക്കല്‍ ടീമുമായി ബന്ധപ്പെടേണ്ടതാണ്. ഡോ. ലിസി ജോര്‍ജ്, ഡോ. ജോളി തോമസ്, മോളി വര്‍ഗീസ്, റിന്‍ങ്കിള്‍ ബിജു, മേരി പറമ്പില്‍, റേച്ചല്‍ ജോര്‍ജ് എന്നിവര്‍ അടങ്ങിയ വിദഗ്ദ്ധ സംഘം ടീമില്‍ പ്രവര്‍ത്തിക്കുന്നു. കോണ്‍ഫറന്‍സ് ഹാളിനോട് ചേര്‍ന്നുള്ള ബൂത്തില്‍ ഇവരുടെ ഓഫീസ് പ്രവര്‍ത്തിക്കും. വിവരങ്ങള്‍ക്ക് : അനു വര്‍ഗീസ് : 718 496 7886

 

ജൂലൈ 18 ന് 2 മുതല്‍ നടക്കുന്ന വിവിധ കായിക വിനോദങ്ങള്‍ക്കുള്ള റജിസ്‌ട്രേഷന്‍ ആരംഭിച്ചുവെന്ന് സ്‌പോര്‍ട്‌സ് കോഓര്‍ഡിനേറ്റര്‍മാരായ ജോണ്‍ താമരവേലിയും, സജി പോത്തനും അറിയിച്ചു. വിവരങ്ങള്‍ക്ക്: ജോണ്‍ താമരവേലില്‍ : 917 533 3566, സജി പോത്തന്‍ : 845 642 9161