You are Here : Home / USA News

ഷിക്കാഗോ കെ.സി.എസ്. പ്രൊസഷന്‍ ഒന്നാംസ്ഥാനത്ത്

Text Size  

ജോയിച്ചന്‍ പുതുക്കുളം

joychen45@hotmail.com

Story Dated: Monday, July 28, 2014 10:45 hrs UTC


 
ഷിക്കാഗോ. കെ.സി.സി.എന്‍.എ.യുടെ 11ാമത് കണ്‍വന്‍ഷന്റെ പ്രഥമദിനത്തില്‍ ഇരുപത് യൂണിറ്റുകളുടെ നേതൃത്വത്തില്‍ നടന്ന ഘോഷയാത്രയില്‍ കെ.സി.എസ്. ഷിക്കാഗോ ഒന്നാമത്. മറ്റു ഘോഷയത്രകളില്‍ നിന്നും  കെ.സി.എസ്. ഷിക്കാഗോയുടെ ഘോഷയാത്ര ഒരു വേറിട്ട അനുഭവമായിരുന്നു. കെ.സി.എസില്‍ നിന്നുള്ള രണ്ടായിരത്തോളം അംഗങ്ങള്‍ വിവിധ വേഷവിധാനത്തില്‍ ചെണ്ട മേളത്തിന്റെയും, പഞ്ചവാദ്യങ്ങളുടെയും തനതായ കേരള സംസ്ക്കാരത്തിന്റെയും ക്നാനായ പാരമ്പര്യത്തിന്റെയും പ്രതീകമായി അണിനിരന്നു. കുടിയേറ്റ രാജ്യമായ അമേരിക്കയിലെ വിവിധ സംസ്ക്കാരങ്ങളെയും പ്രതിനിധാനം ചെയ്ത് നടത്തിയ ഘോയാത്ര കണ്ടുനിന്നവര്‍ക്ക് വ്യത്യസ്ത അനുഭമായിരുന്നു.

ഘോഷയാത്രയ്ക്ക് സജി ഇറപുറം, ജോമോള്‍ ചെറിയത്തില്‍, ഡെല്ല നെടിയകാലായില്‍, ജിമ്മി കണിയാലില്‍, ഗ്രേസി വാച്ചാച്ചിറ എന്നിവരുടെ നേതൃത്വത്തില്‍ മുപ്പത്തഞ്ചംഗ കമ്മറ്റിയാണ് നേതൃത്വം കൊടുത്തത്. ഘോഷയാത്രയ്ക്കുള്ള ഒന്നാം സ്ഥാനത്തിനുള്ള ട്രോഫി കരസ്ഥമാക്കാന്‍ പ്രവര്‍ത്തിച്ച എല്ലാ കമ്മറ്റിയംഗങ്ങളേയും കെ.സി.എസ്. ഭരണസമിതിക്കുവേണ്ടി പ്രസിഡന്റ് ജോര്‍ജ് തോട്ടപ്പുറം അഭിനന്ദിച്ചു. ജൂബി വെന്നലശ്ശേരി അറിയിച്ചതാണിത്.

    Comments

    നിങ്ങളുടെ അഭിപ്രായങ്ങൾ


    PLEASE NOTE : അവഹേളനപരവും വ്യക്തിപരമായ അധിഷേപങ്ങളും അശ്ലീല പദപ്രയോഗങ്ങളും ദയവായി ഒഴിവാക്കുക. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. അശ്ലീല അഭിപ്രായങ്ങള്‍ പോസ്റ്റ് ചെയ്യുന്നതല്ല.







More From Featured News
View More