ഹൂസ്റ്റണ്‍ : കീബോഡില്‍ തന്റെ മാന്തികവിരലുകള്‍ കൊണ്ട് അത്ഭുതങ്ങള്‍ സൃഷ്ടിക്കുന്ന പ്രശസ്ത സംഗീതജ്ഞന്‍ സ്റ്റീഫന്‍ ദേവസിയും സംഘവും അവതരിപ്പിക്കുന്ന 'ദേവസംഗീതം' സംഗീതമേളയുടെ ഒരുക്കങ്ങള്‍ പൂര്‍ത്തിയായതായി സംഘാടകര്‍ അറിയിച്ചു.
ആത്മീയാനുഭൂതി പകരുന്ന ഗാനങ്ങളുമായി അമേരിക്കന്‍ മലയാളികളുടെ പ്രിയ ഗായകന്‍ ബിനോയ് ചാക്കോ, ഐഡിയാ സ്റ്റാര്‍ സിംഗര്‍ ഫെയിം ഇമ്മാനുവേല്‍ ഹെന്ററി, അമൃത സൂപ്പസ്റ്റാര്‍ വിജയി ജോബി കുര്യന്‍, പ്രശസ്ത ഗായിക സിസിലി ഏബ്രഹാം എന്നിവരും ഈ ആത്മീയ സംഗീതവിരുന്നിനു മാറ്റുകൂട്ടുന്നു.
ഇതാദ്യമായി സ്വന്തം ബാന്‍ഡുമായി അമേരിക്കയില്‍ എത്തുന്ന സ്റ്റീഫന്‍ ദേവസിയുടെ സംഗീതപരിപാടിയ്ക്ക് ആതിഥേയത്വം വഹിയ്ക്കുന്നത് ഹൂസ്റ്റണിലെ പ്രേക്ഷിതാ മിഷനാണ്. ഇന്ത്യയിലും നേപ്പാളിലും, ബര്‍മ്മയിലും ഉള്ള നിര്‍ദ്ധനരായ കുഞ്ഞുങ്ങളുടെ വിദ്യാഭ്യാസ, സാമൂഹിക, ആത്മിക ഉന്നമനത്തിനും, സുവിശേഷീകരണത്തിനും വേണ്ടി പ്രവര്‍ത്തിയ്ക്കുന്ന പ്രസ്ഥാനമാണ് പ്രേക്ഷിതാമിഷന്‍.
ജൂണ്‍ 15ന് ഞായറാഴ്ച വൈകുന്നേരം 5.30 മുതല്‍ സ്റ്റാഫോഡിലുള്ള ഇമ്മാനുവേല്‍ സെന്ററില്‍ വച്ചാണ്. ഈ സംഗീതമേള നടത്തപ്പെടുന്നത്. ഈ വര്‍ഷത്തെ ഏറ്റവും നല്ല സംഗീത വിരുന്നയിരിക്കും ദേവസംഗീതമെന്ന് സംഘാടകര്‍ ഉറപ്പു നല്‍കി.
കൂടുതല്‍ വിവരങ്ങള്‍ക്ക്
റജി കുര്യന്‍-281-777-1919
റജി.കെ.വര്‍ഗീസ്-281-650-9630
Comments