വാഷിംഗ്ടണ്‍ ഡി.സി.: നോര്‍ത്തേണ്‍ വെര്‍ജിനിയായില്‍ നിന്നുള്ള ഇന്ത്യന്‍-അമേരിക്കന്‍ വിദ്യാര്‍ത്ഥിനി വെര്‍മോണ്ട് സംസ്ഥാനത്തു നടന്ന എഴുപതാമത് സൗന്ദര്യറാണി മത്സരത്തില്‍ വിജയകിരീടം ചൂടി. സംസ്ഥാന ചരിത്രത്തില്‍ ആദ്യമായാണ് സൗന്ദര്യമത്സരത്തില്‍ ഇന്ത്യന്‍ അമേരിക്കന്‍ സുന്ദരി പട്ടം അണിയുന്നത്.
ഇന്ത്യന്‍ വംശജയായ ലൂസി വെര്‍മോണ്ട് യൂണിവേഴ്‌സിറ്റിയില്‍ ന്യൂറോ സയന്‍സ് വിദ്യാര്‍ത്ഥിനിയാണ് മിഷിഗണില്‍നിന്നും ബിരുദം നേടിയ ലൂസി ഭാവിയില്‍ ഒരു ഡോക്ടറാകണമെന്നാണ് ആഗ്രഹിക്കുന്നത്.
2015 ല്‍ അറ്റ്‌ലാന്റാ സിറ്റിയില്‍ നടക്കുന്ന മിസ്സ് അമേരിക്കാ മത്സരത്തില്‍ പങ്കെടുക്കുന്നതിനുള്ള തയ്യാറെടുപ്പുകള്‍ ആരംഭിച്ചതായി ലൂസി പറഞ്ഞു.
2014 ലെമിസ്സ് അമേരിക്കയായി തിരഞ്ഞെടുക്കപ്പെട്ട നീനയാണ് തന്റെ റോള്‍ മോഡലെന്നും ലൂസി അഭിമാനത്തോടെ പ്രതികരിച്ചു.
സംസ്ഥാനത്തെ സൗന്ദര്യറാണിയായി തിരഞ്ഞെടുക്കപ്പെട്ടതില്‍ ഞാന്‍ അഭിമാനിക്കുന്നു. ആദ്യമായാണ് ഞാന്‍ ഈ മത്സരത്തില്‍ പങ്കെടുക്കുന്നത്. വെര്‍മൗണ്ട് ബര്‍ലിംഗ്ടണില്‍ മാതാപിതാക്കളോടൊപ്പമാണ്. ലൂസി താമസിക്കുന്നത്.
വിദ്യാഭ്യാസരംഗത്ത് ഇന്ത്യന്‍ വംശജരായ വിദ്യാര്‍ത്ഥികള്‍ ഉന്നതനിലവാരം പുലര്‍ത്തുന്നതുപോലെ സൗന്ദര്യമത്സരത്തിലും ഉയരങ്ങള്‍ കീഴടക്കുകയാണ് ഇന്ത്യന്‍ സുന്ദരികള്‍.
Comments