(ഡോക്ടർ: സാം ജോസഫ്, ഫോമാ ന്യൂസ്  ടീം)

 

ഡാളസ്: ഫോമാ അന്തർദേശീയ കൺവെൻഷന്റെ  വൈസ് ചെയർമാനായി ഹൂസ്റ്റണിലിൽ നിന്നുമുള്ള ബേബി മണക്കുന്നേലിനെ തിരഞ്ഞെടുത്തു. അടുത്തവർഷം  ജൂലൈ മാസം, ആറാം തീയതി ടെക്സസിലെ ഗാൽവസ്റ്റൻ പോർട്ടിൽ നിന്നും പുറപ്പെട്ട്  കരീബിയൻ ദ്വീപസമൂഹമായ കൊസുമൽ വഴി പത്താം തീയതി തിരികെയെത്തുന്ന ക്രൂയിസ് യാത്രയായാണ് ഫോമാ റോയൽ കൺവൻഷൻ ക്രമീകരിച്ചിരിക്കുന്നത്. പ്രശസ്തമായ റോയൽ കരീബിയൻ കമ്പനിയുടെ ക്രൂയിസ് ഷിപ്പിലാണ് കൺവെൻഷൻ ക്രമീകരിച്ചിരിക്കുന്നത്. ഏർലി ബേർഡ് സ്‌കീം പ്രകാരം  രജിസ്റ്റർ ചെയ്യുന്നവർക്ക് പ്രത്യേക ആനുകൂല്യങ്ങൾ ഉണ്ടായിരിക്കുന്നതാണ്. ഈ ഫോമാ കൺവൻഷൻ എന്നും ഓർമ്മയിൽ തങ്ങിനിൽക്കുന്ന, മറക്കാനാവാത്ത, മധുരതരമായ  ഒരു  അനുഭവമായിരിക്കുമെന്ന്  വൈസ് ചെയർമാനായി തിരഞ്ഞെടുക്കപ്പെട്ട ബേബി മണക്കുന്നേൽ ഉറപ്പു നൽകി.