You are Here : Home / USA News

ന്യുയോര്‍ക്കില്‍ മരിച്ചവരുടെ എണ്ണത്തില്‍ നേരിയ കുറവെന്നു ഗവര്‍ണര്‍

Text Size  

Story Dated: Monday, April 06, 2020 12:27 hrs UTC

 
 
ന്യു യോര്‍ക്ക്: അമേരിക്കയില്‍ കൊറോണയുടെ തേരോട്ടം തുടരുകയാണെങ്കിലും ന്യു യോര്‍ക്ക് സ്റ്റേറ്റില്‍ മരണസംഖ്യയില്‍ നേരിയ കുറവ് ഉണ്ടെന്ന് ഗവര്‍ണര്‍ ആന്‍ഡ്രു ക്വോമൊ പ്രതിദിന പത്ര സമ്മേളനത്തില്‍ പറഞ്ഞു.
 
ഞായറാഴ്ച ഉച്ചക്കു പത്ര സമ്മളനത്തില്‍ 24 മണിക്കൂറിലെ മരണം 594 ആയി കുറഞ്ഞതായി അദ്ധേഹം അറിയിച്ചു. തലേന്ന് അത്630 ആയിരുന്നു.
 
അത് പോലെ പുതുതായി ആശുപത്രിയിലാക്കിയവരുടെ എണ്ണം 574 ആയി കുറഞ്ഞു. തലേന്നത് 1055 ആയിരുന്നു.
 
ഇത് പ്രതീക്ഷ ഉണര്‍ത്തുന്നു. ഒരു പക്ഷെ നാം രോഗ ബാധയുടെ ഉച്ചസ്ഥായിയില്‍ എത്തിയിരിക്കാം. അവിടെ തന്നെ ഏതാനും നാള്‍ തുടര്‍ന്നേക്കാം. പക്ഷെ വരും ദിവസങ്ങളിലെ കണക്ക് എങ്ങനെ എന്നത് അനുസരിച്ച് മാത്രമെ എന്തെങ്കിലും നിഗമനത്തില്‍ എത്താനാവു-ഗവണര്‍ പറഞ്ഞു.
 
എങ്കിലും സ്റ്റേറ്റില്‍ രോഗം കണ്ടെത്തിയവരുടെ എണ്ണം122,031 ആയി ഉയര്‍ന്നു.
 
ന്യു യോര്‍ക്ക് സിറ്റിയില്‍ രോഗബാധിതര്‍ 63,767 ആയി. മരണം 2256. (ഞായര്‍ രാവിലെ വരെ.) രോഗബാധിതരിലും മരിച്ചവരിലും നേരിയ കുറവുണ്ട്. 

    Comments

    നിങ്ങളുടെ അഭിപ്രായങ്ങൾ


    PLEASE NOTE : അവഹേളനപരവും വ്യക്തിപരമായ അധിഷേപങ്ങളും അശ്ലീല പദപ്രയോഗങ്ങളും ദയവായി ഒഴിവാക്കുക. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. അശ്ലീല അഭിപ്രായങ്ങള്‍ പോസ്റ്റ് ചെയ്യുന്നതല്ല.







More From Featured News
View More
More From Trending
View More