മാസ്ക് ധരിക്കാതെ പുറത്തിറങ്ങിയ 954 പേര്ക്കെതിരേ സംസ്ഥാനവ്യാപകമായി കേസുകള് രജിസ്റ്റര് ചെയ്തതായി മുഖ്യമന്ത്രി പിണറായി വിജയന്. സംസ്ഥാനത്ത് ഇന്ന് മുതല് മാസ്ക് നിര്ബന്ധമാക്കിയിരുന്നു.
മാസ്ക് നിര്ദേശം ലംഘിക്കുന്നവര്ക്കെതിരെ ഇന്ത്യന് ശിക്ഷാനിയമത്തിലെ വകുപ്പ് 290 പ്രകാരം നടപടി സ്വീകരിച്ച് ബന്ധപ്പെട്ട കോടതിയില് പെറ്റികേസ് ചാര്ജ് ചെയ്യും. 200 രൂപയാണ് പിഴ. കുറ്റം ആവര്ത്തിക്കുകയാണെങ്കില് 5000 രൂപ പിഴ ഈടാക്കുമെന്ന് സംസ്ഥാന പൊലീസ് മേധാവി ലോക്നാഥ് ബെഹ്റ അറിയിച്ചു.
വീടുകളില് നിര്മിച്ച തുണികൊണ്ടുളള മാസ്ക്, തോര്ത്ത്, കര്ച്ചീഫ് എന്നിവയും ഉപയോഗിക്കാവുന്നതാണ്. പൊതുജനങ്ങളുടെ സുരക്ഷ മുന് നിര്ത്തിയും പകര്ച്ചവ്യാധി പടരുന്ന പശ്ചാത്തലത്തിലും പൊതുസ്ഥലങ്ങളിലും ജോലിസ്ഥലങ്ങളിലും എല്ലാവരും മാസ്ക് ധരിക്കണമെന്ന് കേന്ദ്ര, സംസ്ഥാന സര്ക്കാരുകള് നിര്ദേശിച്ചിരുന്നു.
Comments