കെ.എസ്.ആർ.ടി.സി.യിലെ എംപാനൽഡ് കണ്ടക്ടർമാരെ പിരിച്ചു വിട്ടതു പോലെ 1565 എംപാനൽഡ് ഡ്രൈവർമാരേയും ഉടൻ പിരിച്ചുവിടാൻ ഹൈക്കോടതി ഉത്തരവ്.എംപാനൽഡ് ജീവനക്കാരായ 1565 ഡ്രൈവർമാരെ പിരിച്ചുവിട്ട് പി.എസ്.എസി റാങ്ക് ലിസ്റ്റിൽനിന്ന് നിയമനം നടത്തണമെന്നാണ് ഹൈക്കോടതി ഡിവിഷൻ ബെഞ്ചിന്റെ ഉത്തരവ്. ഏപ്രിൽ 30-നകം ഉത്തരവ് നടപ്പാക്കണമെന്നും കോടതി നിർദേശിച്ചു. എംപാനൽഡ് ഡ്രൈവർമാരെ പിരിച്ചുവിട്ട് തങ്ങൾക്ക് നിയമനം നൽകണമെന്ന് ആവശ്യപ്പെട്ട് പി.എസ്.സി. റാങ്ക് ലിസ്റ്റിലുള്ള ഡ്രൈവർമാരാണ് ഹൈക്കോടതിയെ സമീപിച്ചത്.