രണ്ടാം ബിജെപി സര്‍ക്കാരിന്‍റെ സത്യപ്രതിജ്ഞക്ക് രാജ്യതലസ്ഥാനം ഒരുങ്ങി. വൈകീട്ട് ഏഴ് മണിക്ക് രാഷ്ട്രപതി ഭവനിലാണ് സത്യപ്രതിജ്ഞാ ചടങ്ങ് നടക്കുന്നത്. കേന്ദ്രമന്ത്രിമാരുടെ പട്ടിക സംബന്ധിച്ച് തിരക്കിട്ട ചര്‍ച്ചയാണ് ദില്ലിയിൽ നടക്കുന്നത്. അതിനിടെ നരേന്ദ്ര മോദി മന്ത്രിസഭയിലെ മന്ത്രിമാരുടെ ഏകദേശ പട്ടികയും പുറത്ത് വന്നിട്ടുണ്ട്. നിർമല സീതാരാമൻ, പ്രകാശ് ജാവദേക്കർ, അർജുൻ മേഘ്‌വാൾ നരേന്ദ്ര സിംഗ് തോമർ, രവിശങ്കർ പ്രസാദ് എന്നിവർ മന്ത്രിസഭയിൽ തുടരും. ഉത്തർപ്രദേശിൽ നിന്നുള്ള ബോലാസിംഗും മന്ത്രിയാകും. സദാനന്ദ ഗൗഡ മന്ത്രിയാകും. കർണാടകത്തിൽ നിന്ന് സുരേഷ് അംഗഡിയും മന്ത്രിസഭയിലേക്ക് എത്തുന്നുണ്ട്.