എല്‍.ഡി.എഫിന്റെ സെക്രട്ടേറിയറ്റ് ഉപരോധ സമരത്തിനു നേരെ ആദ്യ പ്രകോപനം സര്‍ക്കാറിന്റെ ഭാഗത്തു നിന്നും ഉണ്ടാകില്ലെന്ന് ആഭ്യന്തരമന്ത്രി തിരുവഞ്ചൂര്‍ രാധകൃഷ്ണന്‍. സമരം ചെയ്യാനുള്ള അവരുടെ അവകാശത്തെ ആരും ചോദ്യം ചെയ്യുന്നില്ല. പക്ഷേ, സെക്രട്ടേറിയറ്റില്‍ ജീവനക്കാരെയും മറ്റും കയറാന്‍ അനുവദിക്കില്ലെന്ന പിടിവാശി പാടില്ല.സര്‍ക്കാറിന് സംയമനം പാലക്കണമെന്നാണ് ആഗ്രഹമെന്നും അദ്ദേഹം മാധ്യമപ്രവര്‍ത്തകരോട് പറഞ്ഞു. രാജ്യത്തിന്റെ സ്വാതന്ത്ര്യദിനാഘോഷ ചടങ്ങുകള്‍ക്കും തടസ്സമുണ്ടാകാന്‍ പാടില്ലെന്നും ആഭ്യന്തരമന്ത്രി പറഞ്ഞു.