റിസര്‍വ് ബാങ്ക് ഏഴു ബാങ്കുകള്‍ക്ക് പിഴ ചുമത്തി. അലഹാബാദ് ബാങ്ക്, ബാങ്ക് ഓഫ് മഹാരാഷ്ട്ര, ഇന്ത്യന്‍ ഓവര്‍സീസ് ബാങ്ക് എന്നിവയ്ക്ക് 1.50 കോടി വീതവും ആന്ധ്രാ ബാങ്കിന് ഒരുകോടിയുമാണ് പിഴ. തട്ടിപ്പുകള്‍ റിപ്പോര്‍ട്ട് ചെയ്യാതിരിക്കല്‍, അക്കൗണ്ട് വിവരങ്ങള്‍ കൃത്യമല്ലാത്തതും റിസര്‍വ് ബാങ്ക് നിര്‍ദ്ദേശങ്ങള്‍ പാലിക്കാത്തതുമാണ് ബാങ്കുകള്‍ക്ക് പിഴ ചുമത്താന്‍ കാരണം.

റിസര്‍വ് ബാങ്കിന്റെ നോ യുവര്‍ കസ്റ്റമര്‍ നിര്‍ദ്ദേശത്തില്‍ വീഴ്ച വരുത്തിയതിന് എച്ച്.ഡി.എഫ്.സി ബാങ്ക്, ഐ.ഡി.ബി.ഐ ബാങ്ക്, കൊട്ടക് മഹീന്ദ്ര ബാങ്ക് എന്നിവയ്ക്ക് 20ലക്ഷം വീതം പിഴ ചുമത്തി. ബാങ്കിങ് റെഗുലേഷന്‍സ് ആക്ട് 1949 പ്രകാരം ഏഴ് ബാങ്കുകള്‍ക്ക് പിഴ ചുമത്തിയതായി റിസര്‍വ് ബാങ്ക് കുറിപ്പില്‍ അറിയിച്ചു.