തിരുവനന്തപുരം: വളഞ്ഞവഴിയിലൂടെ മുഖ്യമന്ത്രിയാകാനില്ലെന്ന് ധനമന്ത്രി കെ.എം. മാണി.കേരള കോണ്‍ഗ്രസ് ഐക്യജനാധിപത്യമുന്നണിയുടെ ഘടകകക്ഷിയാണ്. വ്യക്തമായ പരിപാടികളുടെയും നിലപാടുകളുടെയും നയങ്ങളുടെയും അടിസ്ഥാനത്തിലാണ് ഐക്യമുന്നണി രൂപംകൊണ്ടതും പ്രവര്‍ത്തിക്കുന്നതും. യു.ഡി.എഫ്. സര്‍ക്കാരില്‍ നേതൃമാറ്റം വേണമെന്ന് കേരള കോണ്‍ഗ്രസ് ആവശ്യപ്പെട്ടിട്ടില്ല. അങ്ങനെയൊരാവശ്യത്തിന് ഇപ്പോള്‍ പ്രസക്തിയില്ല. യു.ഡി.എഫിലും സര്‍ക്കാരിലും ഗുരുതരമായ ഒരു പ്രതിസന്ധിയും ഇപ്പോള്‍ നിലവിലില്ല. ഇക്കാര്യത്തില്‍ ആരുമായും ഒരു ചര്‍ച്ചയും നടന്നിട്ടില്ല. തന്നെപ്പറ്റി നല്ലവാക്ക് പറഞ്ഞവരോട് നന്ദിയുണ്ട്. പക്ഷേ മുഖ്യമന്ത്രിയാകാന്‍ താന്‍ ആരോടെങ്കിലും താത്പര്യമോ ആഗ്രഹമോ പ്രകടിപ്പിച്ചിട്ടില്ല.ത്.