സിപിഎം കണ്ണൂര്‍ ജില്ലാ സെക്രട്ടറി പി ജയരാജനും മകനുമെതിരെ വധഭീഷണി. ഫേസ്‌ബുക്കിലൂടെയാണ് ഇരുവര്‍ക്കും വധഭീഷണി വന്നത്. സിപിഎം സംസ്ഥാന കമ്മിറ്റി അംഗം എംവി ജയരാജന്‍ നല്‍കിയ പരാതിയുടെ അടിസ്ഥാനത്തില്‍ പൊലീസ് കേസെടുത്തു. ഐടി നിയമപ്രകാരം കണ്ണൂര്‍ ടൗണ്‍ പൊലീസാണ് കേസ് രജിസ്റ്റര്‍ ചെയ്തിരിക്കുന്നത്.
പി ജയരാജനെ കൊല്ലാതെ വിട്ടത് ആര്‍എസ്എസിന്റെ കഴിവുകേടാണെന്ന് കരുതുന്നുവെങ്കില്‍ ആ ചിന്ത മാറ്റാന്‍ സംഘത്തിന് അറിയാമെന്നും. ജയരാജന്റെ മകന്‍ മരണം യാചിക്കുന്നത് കണ്ടില്ലേയെന്നുമായിരുന്നു ഫേസ്‌ബുക്കിലൂടെയുള്ള ഭീഷണി. സജി കൃഷ്ണ എന്നയാളുടെ അക്കൗണ്ടിലാണ് ഭീഷണി സന്ദേശം വന്നത്. വാര്‍ത്ത പുറത്തുവന്നതോടെ പോസ്റ്റ് നീക്കം ചെയ്തിരിക്കുകയാണ്.
ഫേസ്‌ബുക്കിലെ ഭീഷണിയെ തുടര്‍ന്ന് അഭ്യന്തരമന്ത്രി രമേശ് ചെന്നിത്തല, ഡിജിപി, കണ്ണൂര്‍ എസ്പി എന്നിവര്‍ക്ക് എംവി ജയരാജന്‍ നല്‍കിയ പരാതിയിലാണ് കേസെടുത്തിരിക്കുന്നത്.
Comments