രാഹുല്‍ ഗാന്ധി തന്നെയാണ് കോണ്‍ഗ്രസിന്‍റെ പ്രധാനമന്ത്രി സ്ഥാനാര്‍ത്ഥിയെന്ന് കേന്ദ്രമന്ത്രി ഓസ്കര്‍ ഫെര്‍ണാണ്ടസ്.
“രാഹുല്‍ ഗാന്ധി സമ്മതിച്ചാലും ഇല്ലെങ്കിലും അദ്ദേഹമാണ് ഞങ്ങളുടെ പ്രധാനമന്ത്രി സ്ഥാനാര്‍ത്ഥി. ആ ഉത്തരവാദിത്തം അദ്ദേഹം തീര്‍ച്ചയായും ഏറ്റെടുക്കും. ഇത് എന്‍റെ അഭിപ്രായമാണ്” - ഓസ്കര്‍ ഫെര്‍ണാണ്ടസ് വ്യക്തമാക്കി.
രാഹുല്‍ ഗാന്ധി പ്രധാനമന്ത്രി സ്ഥാനാര്‍ത്ഥിയാകുന്നതിനെ ചൊല്ലി മുതിര്‍ന്ന നേതാക്കള്‍ക്കിടയില്‍ അഭിപ്രായവ്യത്യാസമുണ്ടെന്ന വാര്‍ത്തകള്‍ അദ്ദേഹം നിഷേധിച്ചു. “ഒരു അഭിപ്രായഭിന്നതയുമില്ല. ഞങ്ങള്‍ സന്തുഷ്ടരാണ്” - ഓസ്കര്‍ ഫെര്‍ണാണ്ടസ് പറഞ്ഞു.