പിറവം പള്ളിയിൽ ഓർത്തഡോക്സ് വിഭാഗക്കാർക്ക് പ്രവേശിക്കാൻ പോലീസിന്റെ സംരക്ഷണം നൽകണമെന്ന് ഹൈക്കോടതിയുടെ ഉത്തരവ്.കെ എസ് വർഗീസ് കേസിലൂടെ സഭാതർക്കത്തിന് സുപ്രീം കോടതി അന്തിമമായ തീർപ്പുണ്ടാക്കിയിരിക്കുന്നുവെന്നാണ് ഹൈക്കോടതി വ്യക്തമാക്കിയിരിക്കുന്നത്. ഈ സാഹചര്യത്തിൽ ഓർത്തഡോക്സ് വിഭാഗത്തിൽപ്പെട്ട വൈദികർക്ക് പിറവം പള്ളിയിൽ പ്രവേശിക്കാനും അവിടെ പ്രാർഥന നടത്താനുമുള്ള അവകാശമുണ്ട്. അതോടൊപ്പം തന്നെ വിശ്വാസികൾക്ക് പ്രാർഥനയിൽ പങ്കെടുക്കാൻ അവകാശവുമുണ്ട്. ആ അവകാശം നടപ്പാക്കണമെന്നാണ് ഹൈക്കോടതിയുടെ നിർദേശം.