ശ്രീധരന്‍ നായരുടെ വിവാദ വെളിപ്പെടുത്തലിന്റെ പശ്ചാത്തലത്തില്‍ നിയമസഭ തുടങ്ങിയപ്പോള്‍ തന്നെ മുഖ്യമന്ത്രിയുടെ രാജിക്കായി പ്രതിപക്ഷം മുറവിളി തുടങ്ങി.ചോദ്യോത്തര വേളയില്‍ മറുപടി പറയുന്നതിനിടെ മുഖ്യമന്ത്രിക്കെതിരെ പ്രതിപക്ഷാംഗങ്ങള്‍ കൂകി ബഹളം വച്ചു.എ.ഐ.വൈ.എഫ്-ഡി.വൈ.എഫ്.ഐ മാര്‍ച്ചിന് നേരെയുള്ള ആക്രമണത്തെ പരാമര്‍ശിച്ച് സി.പി.ഐ നിയമസഭാ കക്ഷി നേതാവ് സി.ദിവാകരന്‍ അടിയന്തര പ്രമേയത്തിന് നോട്ടീസ് നല്‍കി. മുഖ്യമന്ത്രിക്കെതിരേയുള്ള പ്ലക്കാര്‍ഡുകളും ബാനറുകളുമായിട്ടാണ് പ്രതിപക്ഷം നിയമസഭയിലെത്തിയത്.