കരിപ്പൂര്‍ സ്വര്‍ണക്കടത്ത് കേസിലെ പ്രതികളായ റാഹില ചിറായി, ഷഹബാസ് എന്നിവര്‍ ജാമ്യം നേടി ഒളിവില്‍ പോയി. കൊഫെപോസ നിയമപ്രകാരം ഇവരെ തടവില്‍ വെക്കാന്‍ കോടതി ഉത്തരവിട്ടിരുന്നു. ഇവരുടെ ജാമ്യം റദ്ദാക്കണമെന്നാവശ്യപ്പെട്ട് ഡി.ആര്‍.ഐ ഹൈക്കോടതിയില്‍ അപേക്ഷ നല്‍കി. അതിനിടെ, ഷഹബാസിന്‍റെ കാറ് ഡി.ആര്‍.ഐ ഉദ്യോഗസ്ഥര്‍ പിടിച്ചെടുത്തു. കൊടുവള്ളി പഞ്ചായത്ത് അംഗം ഫൈസല്‍ കാരാട്ടിന്‍റെ വീട്ടില്‍നിന്നാണ് കാറ് പിടിച്ചെടുത്തത്. ഷഹബാസും ഫൈസലും ബിസിനസ് പങ്കാളികളാണെന്ന് സ്ഥിരീകരിച്ചിട്ടുണ്ട്. ഇയാളെ ചോദ്യം ചെയ്യുന്നതിനായി ഡി.ആര്‍.ഐ കസ്റ്റഡിയിലെടുത്തു.
Comments