രാജ്യത്തെ എല്ലാ വിഭാഗങ്ങൾക്കും വേണ്ടിയുള്ളതാണ് ഇത്തവണത്തെ കേന്ദ്രബജറ്റെന്ന് പ്രധാനമന്ത്രി നരേന്ദ്രമോദി. അടുത്ത തെരഞ്ഞെടുപ്പിൽ ജയിച്ചാൽ അവതരിപ്പിക്കുന്ന ബജറ്റിന്‍റെ ട്രെയിലറാണിതെന്നും നരേന്ദ്രമോദി വ്യക്തമാക്കി. ലോക്സഭാ തെരഞ്ഞെടുപ്പിന് തൊട്ടുമുമ്പുള്ള അവസാന ഇടക്കാലബജറ്റിനെക്കുറിച്ച് സംസാരിക്കുകയായിരുന്നു മോദി. ''മധ്യവർഗം മുതൽ തൊഴിലാളികൾ വരെ, കർഷകർ മുതൽ ബിസിനസ്സുകാർ വരെ, നിർമാണമേഖല മുതൽ ചെറുകിടവ്യവസായം വരെ, എല്ലാവരെയും ഈ ഇടക്കാല ബജറ്റിൽ പരിഗണിച്ചിട്ടുണ്ട്.'' ദൂരദർശനിലൂടെ നടത്തിയ പ്രസ്താവനയിലൂടെ മോദി പറഞ്ഞു.