തിരുവനന്തപുരം: ഹയര്‍സെക്കന്‍ഡറി സ്കൂളുകളിലെ ഇടവേള സമയം വര്‍ധിപ്പിച്ചു. ഉച്ചഭക്ഷണ സമയത്തെ ഇടവേള 40 മിനിട്ടാക്കി ഉയര്‍ത്തി. കൂടാതെ നിലവിലുള്ള രണ്ട് ഇടവേളകളുടെ സമയദൈര്‍ഘ്യം അഞ്ച് മിനിട്ടില്‍ നിന്ന് പത്ത് മിനിട്ടാക്കി. വൈകുന്നേരം 4.45 വരെയാണ് സ്കൂള്‍ സമയം. പുതുക്കിയ സമയം സംബന്ധിച്ച ഉത്തരവ് ശനിയാഴ്ച പുറത്തിറങ്ങുമെന്ന് വിദ്യാഭ്യാസമന്ത്രി പി.കെ അബ്ദുറബ്ബ് അറിയിച്ചു.