നിലമ്പൂര് കൊലപാതകം അന്വേഷിക്കുന്ന പ്രത്യേക അന്വേഷണസംഘം മൃതദേഹം കല്ലുകെട്ടിത്താഴ്ത്തിയ പൂക്കോട്ടുപാടത്തെ കുളം വറ്റിച്ച് പരിശോധന നടത്തുന്നു. എ ഡി ജി പി ബി സന്ധ്യയുടെ നേതൃത്വത്തിലുള്ള സംഘത്തില് ഉള്പ്പെട്ട ഉന്നത പോലീസ് ഉദ്യോഗസ്ഥരുടെ സാന്നിധ്യത്തിലാണ് കൂടുതല് തെളിവുകള് കണ്ടെത്തുന്നതിനുള്ള പരിശോധന.
കുളം വറ്റിച്ച് പരിശോധന നടത്തണമെന്ന് നാട്ടുകാരും സി പി എം സംസ്ഥാന സെക്രട്ടറി പിണറായി വിജയന് അടക്കമുള്ള നേതാക്കളും ആവശ്യപ്പെട്ടിരുന്നു. കോണ്ഗ്രസ് ഓഫീസില് കഴിഞ്ഞ ദിവസം പരിശോധന നടത്തിയ സംഘം കഴിഞ്ഞ ദിവസം കമ്പ്യൂട്ടര് അടക്കമുള്ളവ പിടിച്ചെടുത്തിരുന്നു. ഓഫീസിലെ കൊലപാതകം നടന്ന മുറി സീല് ചെയ്തിരിക്കുകയാണ്.
കോണ്ഗ്രസ് ഓഫീസിലെ തൂപ്പുജോലിക്കാരി രാധയാണ് കൊല്ലപ്പെട്ടത്. സംഭവത്തില് മന്ത്രി ആര്യാടന് മുഹമ്മദിന്റെ പേഴ്സണല് സ്റ്റാഫ് അംഗം ബിജു നായരെയും സുഹൃത്ത് ഷംസുദ്ദീനെയും അറസ്റ്റുചെയ്തിട്ടുണ്ട്.
Comments