അയോധ്യയിലെ രാമക്ഷേത്ര നിർമാണത്തിനുള്ള ട്രസ്റ്റിന് യോഗി ആദിത്യനാഥ് നേതൃത്വം നൽകണമെന്ന് ആവശ്യം. രാമജന്മഭൂമി ന്യാസാണ് ആവശ്യം ഉന്നയിച്ചിരിക്കുന്നത്.ഉത്തർപ്രദേശ് മുഖ്യമന്ത്രി എന്ന നിലയിലല്ല, പകരം ഗോരഖ്നാഥ് മഠത്തിലെ മുഖ്യപൂജാരി എന്ന നിലയിൽ യോഗി ആദിത്യനാഥിനെ ട്രസ്റ്റിൽ ഉൾപ്പെടുത്തണമെന്നാണ് ഇവരുടെ ആവശ്യം. വിശ്വഹിന്ദു പരിഷത് നേതാക്കളായ ചംപത്റായി, ഓം പ്രകാശ് സിംഗാൾ, രാംജന്മഭൂമി ന്യാസ് മഹന്ത് നൃത്യഗോപാൽ ദാസ് എന്നിവരെയും ട്രസ്റ്റിൽ ഉൾപ്പെടുത്തിയേക്കും എന്ന സൂചനകൾ പുറത്തുവരുന്നുണ്ട്.