മഞ്ജു വാര്യരുമായുള്ള വിവാഹമോചനത്തിന് നടന്‍ ദീലീപ് ഹര്‍ജി ഫയല്‍ ചെയ്തു. എറണാകുളം കുടുംബകോടതിയിലാണ് ഹര്‍ജി നല്‍കിയിരിക്കുന്നത്. ഏറെക്കാലമായി താനും ഭാര്യയും അകന്നുകഴിയുകയാണെന്ന് ഹര്‍ജിയില്‍ ദിലീപ് വ്യക്തമാക്കുന്നു.കുടുംബത്തില്‍ നിന്ന് കടുത്ത മാനസിക പീഡനം അനുഭവിച്ചുവരുകയാണെന്നും ഇനി ഭാര്യയുമായി ഒത്തുപോകാനാകില്ലെന്നും ഹര്‍ജിയില്‍ പറയുന്നു. താനും ഭാര്യയും അറിയപ്പെടുന്ന വ്യക്തികളായ സാഹചര്യത്തില്‍ വിവാഹമോചനഹര്‍ജിയില്‍ വാദംകേള്‍ക്കല്‍ രഹസ്യമായി നടത്തണമെന്നും ഹര്‍ജിയില്‍ ദിലീപ് ആവശ്യപ്പെടുന്നു. ഹര്‍ജി അടുത്തമാസം 23 ന് കോടതി പരിഗണിക്കും.
Comments