വിക്രം ലാൻഡറുമായുള്ള ബന്ധം പുനഃസ്ഥാപിക്കാനുള്ള ശ്രമങ്ങൾ പരാജയപ്പെട്ടതോടെ ചന്ദ്രയാൻ 2 ഇന്ത്യൻ ബഹിരാകാശ ഗവേഷണചരിത്രത്തിൽ പൂർത്തീകരിക്കാത്ത ദൗത്യമാകുന്നു. സെപ്റ്റംബർ 21 ന് ഒരു ചാന്ദ്രദിനം (14 ഭൗമദിനങ്ങൾ) പൂർത്തിയാകുന്നതോടെ ചന്ദ്രന്റെ ദക്ഷിണഭാഗത്തെ സൂര്യപ്രകാശത്തിന്റെ അളവ് കുറയും. ഈ സാഹചര്യത്തിൽ ലാൻഡറിന്റെ സോളാർ പാനലുകൾ റീ ചാർജ് ചെയ്യാനാവാതെവരുന്നതാണ് വിക്രം ലാൻഡറും റോവർ പ്രഗ്യാനും വീണ്ടും പ്രവർത്തനക്ഷമാകാനുള്ള സാധ്യത ഇല്ലാതാക്കുന്നത്.